सत्य, निष्पक्ष र खोजमुलक समाचार
सोमवार, ३० भदौ २०७६ / Monday, 16 September 2019

बीरेन्द्र र योजनाको ‘आउन माया’ गीतको भिडियो युट्युवमा सार्वजनिक


प्रकाशित समय: बुधवार, ०२ : ४७ बजे श्रावण १ गते



 बीरेन्द्र र  योजनाको ‘आउन माया’ गीतको भिडियो युट्युवमा सार्वजनिक

काठमाडौँ  - नेपाली संगीत क्षेत्रमा लोक पप  गायक  इन्जिनियर बीरेन्द्र श्रेष्ठ र गायिका योजना पुरीको ‘आउन माया’ गीतको भिडियो सार्वजनिक भएको छ । उक्त भिडियोलाई भभसागर इन्टरटेनमेन्ट एलएलसी युट्युव च्यानलबाट सार्वजनिक गरिएको हो ।

 

 राजपरिवारभित्र जवान राजकुमारीको बाहिरी दुनियासगँ कति अनबिज्ञता हुदोरहेछ भन्ने कटु यथार्थलाई निर्देशक निशान घिमिरेले पर्दामा उतारेका छन् । राजकुमारीको शानवान अनि चुलबुले मानवीय स्वभाव र सोही परिधिबाट बाहिरी निस्किनु खोज्दाका स्याहारे सुसारेसगँका संबादलाई समेत भिडियोमा राखिएको देखिन्छ ।

 

 करिब ८०/९० बर्ष पहिले राजकिय तामझामका साथ राजकुमारी हाटबजार पुग्दा सुन्दर ठिटोसङ्ग भेट भएपछि एकदमै रमाईलो हाटबजारको रंगिन् सेटमा गीतलाई जीवन दिएका छन, निर्देशक निशान घिमिरेले । अम्बिका गुरुङ्गको शब्द रहेको यस गीतमा दीपक शर्माको संगीत छ । एक राजकुमारीको भित्रि ईच्छालाई प्रस्तुत गरिएको गीतको भिडियोमा अभिनेता पुष्प खड्का र मोडल सृष्टि खड्कालाई फिचर्ड गरिएको छ । जहाँ सृष्टि राजकुमारीको भूमिकामा प्रस्तुत छिन् । भिडियोमा सृष्टिप्रति पुष्पको एकोहोरो प्रेम देखाईएको छ ।

 

पाँचथर निवासी बाल कलाकारहरु आयुस र अन्सु गुरागाईको बेजोड अभिनय समेत रहेको छ । भिडियोलाई सुरेन्द्र बसेलले कोरियोग्राफी तथा निशान कश्यपले निर्देशन गरेका हुन् । गीत अनुसार भिडियो आकर्षक बनेको छ । उद्धव दाहालले भिडियो खिचेको हुन् भने विकास दाहालले यसको सम्पादन गरेका हुन् । (हेर्नुहोस् भिडियो)