सत्य, निष्पक्ष र खोजमुलक समाचार
मगलवार, २० श्रावण २०७७ / Tuesday, 04 August 2020

डा गोविन्द केसीको मागलाई छिटो सम्बोधन गर्न चिकित्सक सङ्घको ध्यानाकर्षण


प्रकाशित समय: बिहिवार, ०८ : ५६ बजे माघ १७ गते



डा गोविन्द केसीको  मागलाई  छिटो सम्बोधन गर्न चिकित्सक सङ्घको ध्यानाकर्षण

काठमाडौँ, नेपाल चिकित्सक सङ्घले अनशनरत् प्रा डा गोविन्द केसीको जीवनरक्षाको माग गर्दै उहाँले उठान गरेको मागलाई छिटोभन्दा छिटो सम्बोधन गर्न सरकारको पुन : ध्यानाकर्षण गराएको छ ।

 

सङ्घका आजीवन सदस्यसमेत रहनुभएका प्राडा केसीको स्वास्थ्यस्थिति नाजुक हुँदै गएको भन्दै सङ्घले आज एक विज्ञप्तिमार्फत आग्रह र पूर्वाग्रहभन्दा माथि उठेर मागलाई सम्बोधन गर्न सरकारसित आग्रह गरेको हो ।

 

सङ्घका महासचिव डा लोचन कार्कीद्वारा आज जारी विज्ञप्तिमा वार्ता र संवादको माध्यमबाट छिटो समस्याको समाधान गर्न सरकारसित माग गरिएको छ ।

 

साथै आफ्नो पूर्ववत् आन्दोलनका कार्यक्रम जारी रहेको सङ्घले जनाएको छ । सरकारले आफूसित विगतमा गरेका सम्झौताका केही बुँदा छुटाई ‘राष्ट्रिय चिकित्सा शिक्षा विधेयक २०७५’ तयार गरेको प्रति असन्तुष्टि राख्दै प्राडा केसीले १६औँ अनशन शुरु गर्नभएको थियो ।

 

उहाँले अनशन शुरु भएको आज २३ दिन भएको छ । उहाँका उपचारमा संलग्न चिकित्सकले डा केसीको स्वास्थ्यस्थिति अन्त्यन्त कमजोर हुँदै गएको जनाएका छन् ।