कोन्ज्योसोम -४ नल्लुमा स्वास्थ्य चौकी भवनको शिलान्यास

ललितपुर,कोन्ज्योसोम गाउँपालिका वडा नम्बर–४ मा स्वास्थ्य चौकी भवनको शिलान्यास भएको छ ।

जिल्ला समन्वय समिति ललितपुरका प्रमुख ऋषिदेव फुँयालले सोमबार सो भवनको शिलान्यास गरेका हुन् ।

जिल्ला समन्वय समिति ललितपुरको ६०% र कोन्ज्योसोम गाउँपालिकाको ४०% बजेटमा निर्माण हुन लागेको समन्वय प्रमुख फुँयालले बताए। उनले जिल्ला समन्वयबाट पूर्वाधार विकासका क्षेत्रमा अन्य नगरपालिका, गाउँपालिकामा भन्दा यस गाउँपालिकामा बढी बजेट छुट्याइएको बताए। उनले गाउँपालिकाहरूमा बजेट छुट्याउने काम भइरहेकाले रोजगारी सिर्जना हुने, कृषि, पर्यटन प्रवर्धन जस्ता क्षेत्रमा बजेट छुट्याउन गाउँपालिकालाई सुझाव दिए।

कार्यक्रममा गाउँपालिका अध्यक्ष कृष्णमान लामाले उपभोक्ता समिति मार्फत बन्न लागेको स्वास्थ्य चौकीको स्थानीयले नियमित अनुगमन गर्नुपर्ने बताए।

स्वास्थ्य चौकी भवनको शिलान्यास कार्यक्रममा गाउँपालिका उपाध्यक्ष राजन प्रसाद घिमिरे,वडाध्यक्ष तीर्थबहादुर घलान, जिल्ला समन्वय समिति ललितपुरका सदस्य दिनेश घोरासैनी, गाउँ कार्यपालिका सदस्य, वडा सदस्य, स्थानीय कर्मचारी, स्वास्थ्य संस्थाका प्रतिनिधिहरुको उपस्थिती रहेको थियो ।