महाङ्काल गाउँपालिकाद्वारा विविध कार्यक्रम गरी निजामती सेवा दिवस मनाउने

ललितपुर,महाङ्काल गाउँपालिका ललितपुरले विभिन्न कार्यक्रमको आयोजना गरी निजामती सेवा दिवस मनाउने भएको छ।

२०१३ साल भदौ २२ गते निजामती सेवा ऐन जारी भएको दिनको अवसर पारेर हरेक वर्ष भदौ २२ गतेलाई निजामती सेवा दिवसको रुपमा मनाउने गरिएको छ। 

सोही दिनको अवसर पारेर पालिकाद्वारा उत्कृष्ट उपभोक्ता समितिलाई पुरस्कृत, उच्च कार्यसम्पादन गर्ने कर्मचारीलाई सम्मान, सरसफाई कार्यक्रम, खेलकुद प्रतियोगिता लगायतका कार्यक्रम गरेर पालिकाले सेवा दिवस मनाउन लागेको प्रवक्ता जोनी कुमार न्यासुरले बताए। 

भाद्र २० र २१ गते पालिकामा कार्यरत कर्मचारी, जनप्रतिनिधि तथा पालिका स्तरमा खुल्ला ब्याडमिन्टन प्रतियोगिता हुनेछ।

भाद्र २२ गते पालिका भर सरसफाई हुने र आर्थिक वर्ष २०८०/८१ मा उच्च कार्यसम्पादन गर्ने कर्मचारीलाई सम्मान र उपभोक्ता समितिलाई पुरस्कृत गरिने गाउँपालिकाले जनायो।