सत्य, निष्पक्ष र खोजमुलक समाचार
बुधवार, ५ कार्तिक २०७७ / Wednesday, 21 October 2020

सडक,ढलबारे जानकारी र फुटपाथ अतिक्रमण रोक्न ललितपुर महानगरको गल्ली गल्लीमा नगरप्रहरी


प्रकाशित समय: बिहिवार, ०६ : ११ बजे आश्विन १५ गते



 सडक,ढलबारे जानकारी र फुटपाथ अतिक्रमण रोक्न ललितपुर महानगरको गल्ली गल्लीमा नगरप्रहरी

ललितपर,ललितपुर महानगरपालिकाका नगर प्रहरीलेसाइकल गस्ती सुरु गरेका छन् । साइकल गस्तीको बुधबारदेखि औपचारिक रुपमा शुरुवात गरिएको हो । साइकल लिएर महानगरको गल्ली, टोल र चोकमा पुगेका नगरप्रहरीले महानगरभित्रको फुटपाथ अतिक्रमणलाई रोक्न सुरु गरेका छन् । बिग्रेको सडक, फुटेको ढलको बारेमा रिपोर्टिङ गर्छन् ।

 

त्यसैगरी सहरको सरसफाईलाई समेत उनीहरुले प्राथमिकतामा राखेका छन् । ललितपुर महानगरपालिकाका उपप्रमुख गीता सत्यालले जनतालाई सेवा दिन महानगरपालिकाले साइकल गस्तीको अवधारणा अघि सारेको बताइन् ।

 

ललितपुरलाई साइकल सहर बनाउने योजना अन्तर्गत साइकललाई प्राथमिकता दिएको उनको भनाई थियो । ललितपुर महानगरको नगरप्रहरीप्रमुख सीताराम हाछेथुले महानगरभित्रको गल्ती, टोल टोलमा छिटै र सजिलो होस् भनेर साइकल मार्फत गस्ती सुरु गरेको बताए । उनले साइकल गस्तीमा मद्दतले नगरवासीलाई सहजिलो हुने बताए ।

 

हाल महानगरले नगरप्रहरीलाई १० वटा साइकल प्रदान गरेको छ । साइकल चढेका १० नगरप्रहरी एकैसाथ महानगरको भित्री क्षेत्र, चक्रपथ महानगरबाहिरको वडाहरुमा समेत पुग्ने छन् । साइकल गस्तीको टोलीसँग भिडियो खिच्ने र फोटो खिच्ने क्यामेरा समेत हुन्छ ।