सत्य, निष्पक्ष र खोजमुलक समाचार
मगलवार, १३ माघ २०७७ / Tuesday, 26 January 2021

नेकपा विवाद: संवैधानिक परिषद्सम्बन्धी अध्यादेश फिर्ता गर्न स्थायी कमिटीको सर्वसम्मत निर्णय


प्रकाशित समय: बुधवार, ०६ : ३८ बजे पुष १ गते



नेकपा विवाद: संवैधानिक परिषद्सम्बन्धी अध्यादेश फिर्ता गर्न स्थायी कमिटीको सर्वसम्मत निर्णय

 

काठमाडौं,नेकपाको स्थायी कमिटीले संवैधानिक परिषद्‌सम्बन्धी सरकारले ल्याएको अध्यादेश फिर्ता लिने र संसद्‌को विशेष अधिवेशन बोलाउन भन्दै नेकपाकै केही सांसदहरूले राष्ट्रपतिसमक्ष गरेको निवेदन फिर्ता लिने सर्वसम्मत निर्णय गरेको नेताहरूले बताएका छन्। 

 

बैठकपछि सञ्चारकर्मीहरूसँग कुरा गर्दै पार्टी प्रवक्ता नारायणकाजी श्रेष्ठले संवैधानिक परिषद्को मङ्गलवारको बैठकमा नियुक्ति सिफारिसबारे कुनै निर्णय नभएको प्रधानमन्त्री केपी शर्मा ओलीले पार्टी बैठकमा जानकारी गराएको बताए। 

 

उनले भने, "आजको हाम्रो स्थायी कमिटी बैठकले सरकारले जारी गरेको अध्यादेश फिर्ता लिने साथसाथै संसद्‌को बैठकको माग राष्ट्रपतिसमक्ष गरेर पेश गर्ने भनिएको आवेदन सर्वसम्मत रूपमा फिर्ता गर्ने निर्णय गरेको छ।" 

 

अध्यादेशले चर्काएको विवादकामाझ बुधवार नेकपाका दुई अध्यक्षबीचको सहमति र स्थायी कमिटी बैठकपछि अध्यादेश फिर्ता लिन प्रधानमन्त्री तयार भएको बताइएको छ।