सत्य, निष्पक्ष र खोजमुलक समाचार
बिहिवार, ९ बैशाख २०७८ / Thursday, 22 April 2021

ट्राफिक जाम हुन नदिन ललितपुर महानगरले केही ठाउँमा ग¥यो चार चारपाङग्रेलाई निषेध


प्रकाशित समय: शनिवार, ०४ : ४६ बजे माघ २४ गते



ट्राफिक जाम हुन नदिन ललितपुर महानगरले केही ठाउँमा ग¥यो चार चारपाङग्रेलाई निषेध

ललितपुर,ललितपुर महानगरपालिकाले आइतबारदेखि चारपाङग्रे सवारी साधनलाई यूनएनपार्क ,ज्वागल, चाकुपाट र पाटनढोका बसपार्कबाट पाटनढोका (गेट) तर्फ जान निषेध गरेको छ । 

सवारी चापको व्यवस्थापनसँगसँगै दुर्घटना हुन नदिन महानगरले बिहान सात बजेदेखि राति आठ बजेसम्म यी स्थानमा चारपाङग्रे सवारीसाधनलाई यी स्थानमा निषेध गरेको हो । महानगरप्रमुख चिरीबाबु महर्जनले व्यवस्थित सहरका लगि ट्राफिक व्यवस्थापन महत्वपूर्ण भएको बताउँदै महानगरले महानगरीय ट्राफिक गुरुयोजना तयार पारेको बताए । उनले भने, ‘ उक्त गुरुयोजना अन्तर्गत यो काम महानगरले थालेको हो , चरणबद्ध रुपमा ट्राफिक व्यवस्थापनका लागि अन्य काम पनि अब अघि बढाउँछौं । ’ 

     ललितपुर महानगरले महानगरीय ट्राफिक प्रहरी महाशाखा काठमाडौंसँग समन्वय गरिसकेको प्रमुखले बताए । उनले उक्त रुटमा चारपाङग्रे सवारीसाधन चलाउनेलाई महानगरले नगरलाई व्यवस्थित बनाउन थालेको काममा आफूले गरेको योगदानको रुपमा लिइदिन अनुरोध गरे । 

ललितपुर महानगरका नगरप्रहरी प्रमुख सिताराम हाछेथुले यो नियमले सवारी व्यवस्थापन गर्न सजिलो हुने बताए । ट्राफिक जामका कारण हुने समस्या समाधान गर्न अब सजिलो हुने उनको धारणा थियो ।