hello
सत्य, निष्पक्ष र खोजमुलक समाचार
शनिवार, ४ श्रावण २०७६ / Saturday, 20 July 2019

गोदावरी नगरपालिकाद्वारा ज्येष्ठ नागरिकलाई निःशुल्क स्वास्थ्य परीक्षण सेवा


प्रकाशित समय: शुक्रवार, ०८ : २९ बजे चैत्र ८ गते



गोदावरी नगरपालिकाद्वारा ज्येष्ठ नागरिकलाई निःशुल्क स्वास्थ्य परीक्षण सेवा

ललितपुर, गोदावरी नगरपालिकाले जेष्ठ नागरिकको निःशुल्क स्वास्थ्य परीक्षण गर्ने उद्देश्यले संचालनमा ल्याएको जेष्ठ नागरिक घुम्ति शिविरलाई निरन्तरता दिइरहेको छ। नागरिक घुम्ती शिविरबाट नगरपालिका भित्रका ८५५ जना जेष्ठ नागरिकले निःशुल्क स्वास्थ्य सेवा पाएका छन ।

 

गोदावरी नगरपालिकाको आयोजनामा सञ्चालित उक्त शिविरबाट टोल–टोलबाटै सेवा प्रदान गरिएकाले जेष्ठ नागरिकले निशुल्क रुपमा स्वास्थ्य सेवा लाभ लिन पाएका छन्।

 

पौष ७ गते शनिवारबाट शुरु गरिएको घुम्ती शिविर आज नगरपालिका वडा नम्बर ७ देवीचौरमा सम्पन्न भयो।बुरुन्चुलिमा भएको निःशुल्क स्वास्थ्य शिविरमा १२५ बृद्धबृद्धाले स्वास्थ्य परीक्षण गराएका छन्।

 

यस अघि गोदामचौर, विशंखुनारायण, गोदावरी, बडिखेल, लेले, डुकुछाप र छम्पीका जेष्ठ नागरिकले उक्त सेवा लिइसकेका छन्। शिविरबाट जेष्ठ नागरिकले सुगर, युरिया, नाक, कान, घाँटी, आँखा तथा क्रेटाइनिया रोग सम्बन्धी परीक्षण निःशुल्क रुपमा गराएका छन् ।

 

निःशुल्क स्वास्थ्य शिविर नगरपालिकाभित्र सवै स्थानमा सञ्चालन गरिने लक्ष्यका साथ अघि बढिरहेको गोदावरी नगरपालिकाका मेयर गजेन्द्र महर्जनले बताउनुभयो । नगरक्षेत्रभित्रका जेष्ठ नागरिकले घर–घरबाटै स्वास्थ्य सेवा प्राप्त गर्न सकुन् भन्ने उद्देश्यले शिविर सञ्चालन गरिएको नगरप्रमुख महर्जनले बताउनुभयो ।

 

नगरपालिका स्वास्थ्य शाखा प्रमुख मधुराम केसीले चालु आ.ब.को योजनामा रहेकाे जेष्ठ नागरिक शीर्षक अन्तर्गत सो सेवाको शुरुवात गरिएको बताउनुभयो ।

 

शिविरमा जेष्ठ नागरिकलाई निःशुल्क रुपमा औषधी समेत वितरण गरिएको थियो ।