सत्य, निष्पक्ष र खोजमुलक समाचार
शनिवार, ४ आश्विन २०७६ / Saturday, 21 September 2019

गोदावरी नगरपालिका स्वास्थ्य शाखाद्धारा निःशुल्क आयुर्वेदिक शिविर


प्रकाशित समय: शुक्रवार, ०८ : ४५ बजे जेठ १० गते



गोदावरी नगरपालिका स्वास्थ्य शाखाद्धारा निःशुल्क आयुर्वेदिक शिविर

ललितपुर,गोदावरी नगरपालिका स्वास्थ्य शाखाद्धारा आज वृहत रुपमा निःशुल्क आयुर्वेदिक शिविरको आयोजना गरेको छ ।

 

गोदावरी नगरपालिका स्वास्थ्य शाखाद्धारा वडा नम्बर १२ ठेचोस्थित बुद्धपोखरीमा आज आयोजित निःशुल्क आयुर्वेदिक स्वास्थ्य शिविरमा सम्बोधन गर्दै नगरप्रमुख गजेन्द्र महर्जनले भन्नुभयो, ‘आयुर्वेदिक औषधी उपचार पद्धतीमा हाल लोकप्रियता बढ्दै गएको छ।’मानिसमा लाग्ने हरेक प्रकारका रोगलाई परम्परागत तवरले चल्दै आयुर्वेदिक उपचार पद्धती हाल लोकप्रियता हुँदै गएको नगरप्रमुख महर्जनको भनाई रहेको छ ।

 

एलोप्याथिक औषधी उपचारको अलावा आयुर्वेदिक पनि एउटा महत्वपूर्ण पद्धतीको रुपमा विकास हुदै गएको प्रमुख महर्जनले बताउनुभयो ।

 

सो शिविरमा ४१५ जना मानिसहरु आफ्नो स्वास्थ्य परीक्षण गर्न आएको स्वास्थ्य शाखा प्रमुख मधुराम केसीले बताउनुभयो ।

 

उहाँका अनुसार शिविरमा स्वास्थ्य परीक्षणका लागि अधिक मात्रामा महिलाको सहभागी रहेको छ । शिविरमा निशुल्क रुपमा बाथः, ग्याष्ट्रिक, छातीसम्बन्धी रोगहरुको परीक्षण तथा निःशुल्क रुपमा औषधी वितरण गरिएको शाखा प्रमुख केसीले बताउनुभयो ।

 

सो शिविरमा व्यापक रुपमा जनसहभागीता रहेको छ ।