hello
सत्य, निष्पक्ष र खोजमुलक समाचार
शनिवार, ४ श्रावण २०७६ / Saturday, 20 July 2019

सरकारले अधिनायकवाद लाद्न खोज्यो — गगन थापा


प्रकाशित समय: मगलवार, ०९ : २७ बजे असार २४ गते



सरकारले अधिनायकवाद लाद्न खोज्यो — गगन थापा

 कठमाण्डौं - कांग्रेस नेता गगन कुमार थापाले सूचना प्रविधि विधेयक र मिडिया काउन्सिल विधेयक ल्याएर सरकारले अधिनायकवाद लाद्न खोजेको बताए ।

 

काठमाण्डौंमा आज नेपाल ट्रेड यूनियन कांग्रेसको मुखपत्र श्रमिक आवाजको विमोचन गर्दैै नेता थापाले सरकारको बारेमा चित नबुझेका कुरा लेखेमा सिधै थुन्न सक्ने गरी सरकारले विभिन्न विधेयक ल्याउन लागेकोे आरोप लगाए ।

 

सरकारका गलत कामका बारेमा नागरिकले सामाजिक सञ्जालमा लेखेमात्रै पनि सरकारी ओहोदामा बस्नेलाई चित्त नबुझेमा सिधै पाँच वर्षसम्म जेल सजाय र जरिवाना गर्ने भएकाले अहिलेको विधेयक सबैभन्दा खतरनाक रहेको बताए । आम नागरिकलाई समेत चित्त नबुझ्ने विभिन्न विधेयक ल्याएर सरकारले जनतालाई निराश बनाएको भन्दै थापाले भने, “निराश भएका जनताको मन जित्न कांग्रेसले दृढ संकल्प गर्नु आजको आवश्यकता हो ।”

 

कांग्रेसले विरोध भन्दापनि विकल्पको रुपमा आफूलाई प्रस्तुत गर्न ढिला भएको उनको भनाई थियो ।

 

कार्यक्रममा ट्रेड युनियन काँग्रेसका उपाध्यक्ष तेजेन्द्रजंग कार्की, महासचिव योगेन्द्रकुमार कुँवर, उपमहासचिव राधिका कुईँकेल र राजेश पालिखे, सहकोषाध्यक्ष सुशीला घिमिरे, महिला समिति अध्यक्ष सुधा दाहाल, केन्द्रीय सदस्य लक्ष्मी केसी लगायतले आफ्नो धारणा राखेका थिए ।

 

सो कार्यक्रममा ट्रेड युनियन काँग्रेसले ४ जना सञ्चारकर्मीलाई सम्मान समेत गरेको छ । कार्यक्रममा हाम्राकुरा डटकमका अजयबाब शिवाकोटी,मिडिया सञ्चारकी दुर्गा आचार्य, गोरखापत्रकी राधा चालिसे र नेपाल डेलीकी कृपा श्रेष्ठलाई सम्मान गरेको हो ।