hello
सत्य, निष्पक्ष र खोजमुलक समाचार
शनिवार, ४ श्रावण २०७६ / Saturday, 20 July 2019

जानकी गाउँपालिका ५ का वडावासीले पाउने भए निशुल्क रगत


प्रकाशित समय: बुधवार, ०८ : ३८ बजे असार २५ गते



जानकी गाउँपालिका ५ का वडावासीले पाउने भए निशुल्क रगत

लम्की-  कैलालीको जानकी गाउँपालिका–५ का जनप्रतिनिधिले आफ्ना वडाका नागरिकलाई रगत निःशुल्क उपलब्ध गराउने भएका छन् । वडाध्यक्ष भीमबहादुर चौधरी र नेपाल रेडक्रस सोसाइटीबीच मङ्गलबार रगत निःशुल्क उपलब्ध गराउने विषयमा सहमति भएको छ ।

 

उक्त सहमतिमा नेपाल रेडक्रस सोसाइटी टीकापुर शाखाका सभापति जगदीश्वर पण्डित र वडा नं ५ का वडाध्यक्ष भीमबहादुर चौधरीले हस्ताक्षर गर्नुभएको छ । सहमतिअनुसार रेडक्रसले वडा नं ५ का नागरिकलाई निःशुल्क रगत उपलब्ध गराउने र वडाले चौमासिक रूपमा प्रयोग भएको रगतको आधारमा रेडक्रसलाई भुक्तानी दिनेछ ।

 

निःशुल्क रगत उपलब्ध गराएवापत वडाले प्रतिप्रिन्ट रु ८५० का दरले रेडक्रसलाई रकम उपलब्ध गराउनेछ । “रगत मानवतासँग जोडिएको विषय हो, वडावासी कसैले रगत अभाव भएर ज्यान गुमाउनु नपरोस् भन्ने हो”, वडाध्यक्ष चौधरीले भन्नुभयो, “थारू समुदायलाई लाग्ने सिकलसेल ठूलो समस्या हो, यसका लागि पनि रगत चाहिन्छ ।

 

यसबाहेक सुत्केरी महिला, रक्तअल्पतालगायत अन्य रोगबाट ग्रसित बिरामीलाई रगत अभाव हुन नदिन यो कार्यक्रम ल्याएको हौँ ।” रक्तसञ्चार केन्द्र टीकापुरले वर्षेनी एक हजार ४०० प्रिन्ट रगत आपूर्ति गर्ने गरेको छ ।