सत्य, निष्पक्ष र खोजमुलक समाचार
मगलवार, २४ मंसिर २०७६ / Tuesday, 10 December 2019

पहिरोपीडितलाई मलम लगाउँदै ललितपुर कांग्रेस


प्रकाशित समय: सोमवार, ०४ : १५ बजे श्रावण ६ गते



पहिरोपीडितलाई मलम लगाउँदै ललितपुर कांग्रेस

ललितपुर,अविरल वर्षाका कारण पहिरो गइ ज्यान गुमाएका मृतकका परिवारलाई नेपाली कांग्रेस ललितपुरले आर्थिक सहयोग गरेको छ।

 

असार २१ गतेबाट सुरु भएको अविरल वर्षाका कारण ललितपुरमा विभिन्न स्थानमा छजनाको पहिरोले पुरिएर मृत्यु भएको थियो। अविरल बर्षाले दक्षिण ललितपुरमा ठूलो क्षती पुर्याएको थियो।

 

पहिरोमा परि ज्यान गुमाएका बागमती गाउँपालिकाका सरोज जिम्बाका परिवारलाई नेपाली कांग्रेसका युवा नेता एबं पूर्व अर्थ राज्यमन्त्री उदयशम्शेर राणा, ललितपुर क्षेत्र नं १ प्रदेश सभाका उम्मेदवार एवं महासमिति सदस्य मीनकृष्ण महर्जन, बागमती गाउँपालिकाका अध्यक्ष बिरबहादुर लोप्चन सहितको उपस्थितिमा आर्थिक सहायता रकम हस्तान्तरण गरिएको हो।

 

सो कार्यक्रममा नेपाली कांग्रेस ललितपुरका जिल्ला सदस्य रविन्स शर्मा, नेविसंघ पूर्वकेन्द्रीय सदस्य विमलचन्द्र विष्ट, गोदावरी नगर नगरपालिकाका सभापति सुरोज श्रेष्ठ, जिल्ला समन्वय समिति सदस्य जयराम तिमल्सिना, बागमती गाउँपालिका संयोजक तथा वडाध्यक्ष विष्णु तिमल्सिना, वडाध्यक्ष विजयकुमार लो, राम लो, ज्ञानबहादुर लो लगायतको उपस्थिति रहेको थियो ।

 

कार्यक्रममा बागमती गाउँपालिकाले घर क्षति हुनेलाई ५० हजार र मानवीय क्षति हुने परिवारलाई एक लाख पाँच हजार दिने घोषणा गरेको छ ।

 

नेपाली कांग्रेसबाट बागमती गाउँपालिकामा अध्यक्षमा निर्वाचित वीररबहादुर लोप्चनले जनतालाई समस्या पर्दा गाउँपालिकाले सहयोग गर्ने बताए ।