सत्य, निष्पक्ष र खोजमुलक समाचार
आइतवार, २९ मंसिर २०७६ / Sunday, 15 December 2019

म्यान्मारमा डुङ्गा दुर्घटना हुँदा १३ तिर्थालुको मृत्यु


प्रकाशित समय: बिहिवार, ०५ : १५ बजे श्रावण ९ गते



म्यान्मारमा डुङ्गा दुर्घटना हुँदा १३ तिर्थालुको मृत्यु

 याङ्गुन – म्यान्मारको मन्डाले क्षेत्रमा बुधबार धार्मिक तिर्थयात्री चढेको डुङ्गा दुर्घटना हुँदा कम्तीमा १३ जनाको मृत्यु हुनुका साथै एक जना बेपत्ता भएका छन् ।

 

म्यान्मारको गृह मन्त्रालयका अनुसार उक्त डुङ्गामा २५ जना सवार रहेका थिए । महालाइङ नगरमा रहेको एउटा बौद्ध बिहारमा जाँदै गर्दा सार ताउङ (जिता) भन्ने स्थानमा डुङ्गा पल्टिएको थियो । मन्त्रालयको विज्ञप्तिमा ११ जनालाई सकुशल उद्धार गरिएको र १३ जनाको शव निकालिएको उल्लेख छ ।

 

जीवितै उद्धार गरिएका डुङ्गा चालक फरार भएका र उनको खोजी कार्य भइरहेको स्थानीय प्रहरीको भनाई उद्धृत गर्दै गृह मन्त्रालयले जनाएको छ ।