सत्य, निष्पक्ष र खोजमुलक समाचार
सोमवार, २३ मंसिर २०७६ / Monday, 09 December 2019

होमस्टे संचालकलाई अभिमुखिकरण कार्यक्रम


प्रकाशित समय: आइतवार, ०६ : ५० बजे जेठ १३ गते



 होमस्टे संचालकलाई अभिमुखिकरण  कार्यक्रम

बेथानचोक ।गाउँपालिकाका विभिन्न क्षेत्रमा संचालित होमस्टेहरुको लागि १ दिने अभिमुखिकरण कार्यक्रम शनिवार सम्पन्न भएको छ ।

 

राजधानी तथा सदरमुकाम सँग नजिकै रहेको बेथानचोकमा पछिल्लो समय होमस्टे तर्फ आकर्षण बढ्दो रहेको कार्यक्रमका सहभागीले बताएका थिए ।

 

अभिमुखिकरण कार्यक्रमका प्रमुख अतिथि गाउँपालिका उपाध्यक्ष सरीता लामिछाने तामाङले उपयुक्त पर्यावरण, उच्च भौगोलिक स्थान तथा स्थानीय कला संस्कृतिले होमस्टेको भविष्य उज्जल रहेको बताइन् ।

 

कार्यक्रमको सभापतित्व सामुदायिक होमस्टे ढुर्खकका संयोजक केदार बहादुर क्षेत्रले गरेका थिए भने अभिमुखिकरण कार्यक्रमको प्रशिक्षण रामेश्वर घिमिरे तथा सहजिकरण कमल नेपालले गरेका थिए । कार्यक्रमको संचालन लक्ष्मण वाइवाले गरेका थिए । कार्यक्रममा स्थानीयहोम स्टे संचालक लगायत कुल ४० जनाको सहभागिता रहेको थियो ।

 

बेथानचोक गाउँपालिकामा हाल सामुदायिक तथा निजी गरी जम्मा १६ ओटा होम स्टे संचालनमा रहेका छन् ।