पत्रकार महासंघको महाधिवेशन असार २२ - २३ मा स¥यो

नेपाल पत्रकार महासंघको अधिवेशन तेश्रो पटक सरेको छ । स्थानीय तहको निर्वाचन अगावै मिति तय गरी घोषाणा गरिएकोमा निर्वाचन आयोगले निर्वाचनलाई प्रभाव पार्ने भनी महाधिवेशन रोक्न महासंघलाई पत्राचार गरिएको थियो । महासंघको १२ औं बैठकले जेठ २० गते महाधिवेशन गर्ने निर्णय गरेको थियो । तर जेठ ३१ मा दोश्रो तहको निर्वाचन हुने भए पछि पत्रकार महासंघको २०७४ जेठ १० गतेको १३ औं पूर्ण बैठकले नेपाल पत्रकार महासंघको २५ औं महाधिवेशन व्यावसायीक पत्रकारीताको आधार, प्रेस स्वतन्त्रता र श्रम अधिकार भन्ने मूल नारा सहित २०७४ असार २२ र २३ गते काठमाण्डौको प्रज्ञाभवनमा गर्ने निर्णय गरेको छ । दोश्रो चरणको निर्वाचनमा हुने विशेष परिस्थिति र त्यसको संबेदनशीलतालाई पत्रकारहरुले स्थलगत रिपोर्टिङ्ग र समाचार कक्षमा निर्वाह गर्नु पर्ने विशेष दायित्व एवं तयारीको प्राविधिक पक्षलाई समेत मध्यनजर गर्दै महासंघको  २५ औं महाधिवेशन यस अघि ताकिएको मिति जेठ २० गतेको सटृा नयाँ मिति असार २२ र २३ मा गर्ने निर्णय गरेको महासंघका महासचिव उजिर मगरले प्रेश बिज्ञप्ति मार्फत जनाएका छन् ।