भदौ २४ र २७ गते नेपाल र बंगलादेशबीच मैत्रीपूर्ण खेल हुने  

काठमाडौं । नेपाली राष्ट्रिय महिला फुटबल टिमले बंगलादेशसँग दुई मैत्रीपूर्ण खेल खेल्ने भएको छ । बंगलादेशसँग दुई खेल खेल्ने पक्का भएको अखिल नेपाल फुटबल संघ (एन्फा) ले हिजो जानकारी दिएको हो । नेपालले बंगलादेशी टोलीसँग भदौ २४ र २७ गते दशरथ रंगशालामा खेल खेल्नेछ । खेलका लागि बंगलादेशी टिम आज नेपाल आइपुग्ने छन् ।

उज्वेकिस्तानमा आयोजना हुने एएफसी महिला एसियन कप–२०२२ छनोट अघि नेपालले बंगलादेशसँग मैत्रीपूर्ण खेल खेल्न लागेको हो । छनोटका लागि मुख्य प्रशिक्षक ग्यारी फिलिप्सले २३ सदस्यीय नेपाली टिमको घोषणा गरिसक्नुभएको छ ।