‘ए’ डिभिजन लिग फुटबलमा आजदेखि सातौं चरणका खेल हुने

काठमाडौँ, १६ पुस।सहिद स्मारक ‘ए’ डिभिजन लिग फुटबल प्रतियोगितामा आजदेखि सातौं चरणका खेल हुँदैछन् ।

लिगको सातौं चरणमा आज सशस्त्र प्रहरीको एपीएफ क्लब र त्रिभुवन आर्मी क्लबबीच पहिलो खेल हुनेछ । काठमाडौंको त्रिपुरेश्वरस्थित दशरथ रङ्गशालामा हुने यो खेल दिउँसो १ बजे सुरु हुनेछ । एपीएफ ६ खेलमा ५ अङ्क मात्र जोडेर ११ औं स्थानमा छ । आर्मी भने ६ खेलमा १० अङ्क जोडेर चौंथो स्थानमा छ । यस्तै दोस्रो खेलमा दिउँसो पौने ५ बजे फ्रेन्ड्स क्लब र न्युरोड टिम एनआरटीबीच खेल हुनेछ । ६ खेलमा ३ अङ्क जोडेको फ्रेन्ड्स क्लब पुछारमा छ । एनआरटी ६ खेलमा ७ अङ्क जोडेर आठौं स्थानमा छ । लिगमा १४ टोलीले प्रतिस्पर्धा गरिरहेका छन् । पुछारका दुई टोली रेलिगेसनमा पर्नेछन् ।