मयुरको विरोधमा सेवा बन्द गर्दै यातायात व्यवसायी,सेवा विस्तार गर्ने योजनामा मयुर यातायात

काभ्रे। राजधानीबाट पुर्व काभ्रे लगाएतका क्षेत्रमा एकाधिकार जमाएका यातायात व्यवसायीले उक्त क्षेत्रमा मयुर यातायातको प्रवेश भए पश्चात विरोधका कार्यक्रम घोषणा गरेका छन् ।

चैत १८ गतेबाट पुरानो समितिले सेवा रोकेर आन्दोलन गर्ने बताएका छन् । बनेपाबाट चक्रपथ परिक्रमा गर्ने गरी मयुर यातायातले सुविधा सम्पन्न बस मार्फत सेवा प्रदान गरेपछि विरोधको कार्यक्रम घोषणा गरिएको हो ।

पुराना यातायात व्यवसायीले विरोधको कार्यक्रम बनाए पछि सेवा प्रारम्भ गरेको मयुर यातायात प्रालिले भने सरकारी अनुमति पाए ग्रामीण भेगमा पनि सेवा दिन तयार रहेको बताएको छ ।

बनेपामा आयोजित पत्रकार सम्मेलन मार्फत मयुर यातायात प्रालिका सचिव रामबहादुर केसीले ग्रामीण भेगबाट समेत माग आएकाले यस तर्फ समेत प्रालिले योजना बनाएको बताए । कानुनी प्रक्रिया पुरा गरी सेवा संचालन गरेको रोकतोकले सेवा नरोकिने उनको भनाई थियो ।

प्राप्त रुट परमिटका आधारमा बस सेवा सञ्चालन गर्दै आएको र सिन्डिकेट, आन्दोलन या अन्य बहानामा काठमाडौं–बनेपा सेवा नरोकिने उनले बताए । हाम्रो उद्देश्य प्रतिस्प्रर्धा होइन । सरकारी नियम, प्रक्रिया र कानुनले दिएको अधिकार अुनसार हामी चलेका छौ । यहाँ हाम्रो कोहीसँग प्रतिस्प्रर्धा पनि छैन । थप रुट परमिट लिएर जिल्लाको अन्य क्षेत्रसम्म पुग्ने योजनामा हामी छौं’, केसीले भने ।

तत्काल २४ वटा युरो स्र्टार्डडका बस संचालन ल्याएको बताउँदै एक सय बस संख्या पु¥याउने लक्ष्य लिएको उनले जानकारी दिए । माग आएका क्षेत्रमा समितिले सेवा दिन्छ । ग्रामीण रुटका लागि कस्तो बस उपयुक्त हुन्छ भन्ने बस निर्माता कम्पनीसँग छलफल गरिरहेका छौं, उनको भनाइ थियो । बनेपावासीको अनुरोधमै सेवा संचालन भएको समितिको भनाई छ ।

उहाँहरुको बिजनेश हो, हामी चक्रपथको दायाँ, बाँया मात्र जान्छौ रत्नपार्क जादैनौ । सरकारले तोकेको मापदण्डका बसका तथा सरकारले तोकेको भाडा मै व्यक्तिहरु र विद्यार्थी छुटलाई समेत ध्यानमा राखेर सेवा दिइरहेको समितिले जनाएको छ ।

बसमा ७० बर्ष माथिका बृद्धबुद्धालाई निःशुल्क, अशक्त अपाड्ढ, गर्भवती, महिलाहरुलाई निःशुल्क, फ्रि वाईफाई, चोरीका घट्ना रोक्न सीसी क्यामेरा, आमाबालबालिका सिटको व्यवस्था लगायतका सुविधा रहेका छन । माघ ४ गतेबाट उपत्यकामा सेवा सुरु गरेको बसले चैत १ बाट बनेपा सम्म सेवा विस्तार गरेको छ ।

बनेपामा सेवा विस्तार गरे सँगै पुरानो समितिले यसको विरोध गर्दै आएका छन् ।