विश्व कप क्रिकेट लिग-२ : आज अमेरिकाविरुद्ध नेपाल खेल्दै

काठमाडौँ।आईसीसी पुरुष क्रिकेट विश्वकप लिग दुई अन्तर्गतको सिरिजका लागि आज नेपालले दोस्रो खेल खेल्दैछ ।

टेक्ससस्थित मोसा क्रिकेट मैदानमा नेपालले आज राति घरेलु टोली अमेरिकाविरुद्ध प्रतिस्पर्धा गर्नेछ । नेपाल र अमेरिकाबीचको खेल नेपाली समय अनुसार राति सवा ९ बजे सुरु हुनेछ । अमेरिकाविरुद्ध मैदान उत्रदा नेपाल सिरिजमा पहिलो जित निकाल्दै अङ्क जोड्न चाहन्छ । सिरिज अन्तर्गत पहिलो खेलमा नेपाल ओमानसँग १३ रनले पराजित भएको थियो । अमेरिका भने सिरिजमा लगातार दोस्रो जित निकाल्न चाहन्छ ।

पहिलो खेलमा अमेरिकाले ओमानलाई हराएको थियो । लिग दुईमा नेपाल १३ खेलमा १२ अङ्क जोडेर छैटौं स्थानमा रहेको छ । अमेरिका २१ खेलमा २० अङ्क जोडेर चौंथो स्थानमा रहेको छ ।