सत्य, निष्पक्ष र खोजमुलक समाचार
मगलवार, २० श्रावण २०७७ / Tuesday, 04 August 2020

महानगरका प्रमुख प्रशासकीय भट्टराई गृहमा सुरुवा, विष्णु कोइराला महानगरको प्रशासकीय सम्हाल्दै


प्रकाशित समय: बुधवार, ०८ : ४१ बजे असार ३१ गते



 महानगरका प्रमुख प्रशासकीय भट्टराई गृहमा सुरुवा, विष्णु कोइराला महानगरको प्रशासकीय सम्हाल्दै

ललितपुर,ललितपुर महानगरपालिकाका कर्मचारीहरुले गृहमन्त्रालयमा सुरुवा भएका महानगरका प्रमुख प्रशासकीय अधिकृत प्रेमप्रसाद भट्टराईलाई बिदाई गर्दै नयाँ प्रमुख प्रशासकीय अधिकृत विष्णु कोइरालालाई स्वागत गरेका छन् ।

 

ललितपुर महानगरपालिकामा बुधबार आयोजित कार्यक्रममा महानगरका प्रमुख चिरीबाबु महर्जनले भट्टराई र कोइराला दुबैलाई फूलको माला सहित टिका लगाइदिएका थिए । प्रमुख महर्जनले भट्टराईलाई मायाको चिनो समेत प्रदान गरे महानगरका प्रमुख महर्जनले कर्मचारी र जनप्रतिनिधिको सहकार्यबाटमात्रै महानगरको विकास हुने बताए ।

 

उनले विदा हुँदै गरेका भट्टराईको प्रशंसा गर्दै काम गर्ने शैलीबाट आफू प्रभावित भएको बताए । उनले भने, ‘ उहाँको हुने कामलाई हुने र नहुने कामलाई हुँदैन भन्ने शैली मलाई राम्रो लाग्यो, हुने यति कारणले नहुने यति कारण प्रष्ट पार्नु हुन्थ्यो । ’ प्रमुख महर्जनले अनौपचारिक भेटघाटबाट नयाँ प्रमुख प्रशासकीय अधिकृत पनि त्यत्तिकै उर्जाशील भएको अनुभव गरेको बताए ।

 

कार्यक्रममा साउन १ गतेबाट महानगरको प्रमुख प्रशासकीय अधिकृतको पदबहाली गर्दै गरेका विष्णु कोइरालाले जनप्रतिनिधिहरुलाई कर्मचारीले सहयोग गर्नुपर्ने बताए । उनले पालिकाहरु आर्थिक रुपमा बलिया भए मात्रै सक्षम हुने बताए । बिदा हुँदै गरेका भट्राईले पालिकाहरु मध्ये ललितपुर महानगरपालिका पालिकामध्ये ‘बेस्ट पफर्मेन्स ’ दिन सफल भएको बताए ।

 

महानगरका प्रमुख महर्जनले दिने उर्जा र स्नेह सधैं सम्झिराख्ने बताए । जागिर र जीवन अस्थायी भएको बताउँदै छाडेर जाने छापहरु महत्वपूर्ण भएको स्पष्ट पारे । कार्यक्रममा महानगरका प्रशासन महाशाखा प्रमुख श्रीभद्र ओझाले कर्मचारी समायोजनको विषयमा विचार राखेका थिए ।

 

कार्यक्रममा अन्य महाशाखाका प्रमुख तथा अन्य कर्मचारीहरुको उपस्थिति थियो । यसैगरी महानगरको विधायन समिति, लेखा समिति, विकास तथा सुशासन समितिले छुट्टाछुटै विदाई तथा स्वागत कार्यक्रम राखेका थिए ।