सत्य, निष्पक्ष र खोजमुलक समाचार
बुधवार, ८ जेठ २०७६ / Wednesday, 22 May 2019

प्युटारमा भब्यरुपमा सोनाम ल्होछार सम्पन्न


प्रकाशित समय: आइतवार, ०७ : ५९ बजे फाल्गुन १९ गते



प्युटारमा भब्यरुपमा सोनाम ल्होछार सम्पन्न

ललितपुर, तामाङ समुदायको महान चाड अर्थात नयाँ वर्ष २८५५ औ ड्वा (बंदेल) वर्षको अवसरमा बागमती गाउँ पालिका वडा नम्बर ४ सोनाम ल्होछार मनाएको छ । बागमती गाउँ पालिका वडा नम्बर ४ को आर्थिक सहयोगमा प्युटार ल्होछार मुलसमारोह समितिले वृहत् सांस्कृतिक कार्यक्रम तथा शुभकामना आदन प्रदान कार्यक्रम गरी सोनाम ल्होछार मनाएको हो ।

 

वडाले श्री कालिदेवि मा वि प्राङगनमा वृहत् सांस्कृतिक कार्यक्रम गर्दै एक हौसलाका साथ तेस्रो पटक सोनाम ल्होछार सम्पन्न गरेको छ ।

 

बागमती गाउँ पालिका प्रमुख वीर बहादुर लोप्चानको प्रमुख अतिथ्यमा सम्पन्न उक्त कार्यक्रममा विषेश अतिथ्य वडा अध्यक्ष नारायण बहादुर घले, अथितिहरु वडा सदस्य रामकुमार थिङ तामाङ, डाजाङका केन्द्रीय सचिव प्रकाश थिङ, ने क पा जिल्ला सदस्य दुर्गाप्रसाद घिमिरे, संघिय समाजबादी फोरमका केन्द्रीय सदस्य उतम कुमार थिङ, नेपाली कांग्रेस पुर्व क्षेत्रीय सदस्य इन्द्र बहादुर ग्लान, नेपाली कांग्रेस जिल्ला सदस्य सेरबहादुर वि.क., कालिदेवि मा वि का प्रअ ठाकुर थिङ, स्कुल व्यवस्थापन समितिका अध्यक्ष सुमन थिङ लगायत विभिन्न राजनीतिक दल अबद्व प्रतिनिधी तामाङ बुद्धिजीवी विभिन्न संघ संस्थाको प्रतिनिधीहरुले शुभकामना मन्तब्यका साथै सुझाव दिएका थिए।

 

कार्यक्रममा पालिका प्रमुख वीर बहादुर लोप्चानले गाउँ पालिका भित्र आन्तरीक तथा बाह्रय पर्यटक भित्राउन गत माघमा पर्यटनकीय स्थल राडरमा पालिका स्तरीय ल्होछार कार्यक्रम आयोजना बताए । उनले तामाङ्ग जातिको बाहुल्यता रहेको यस क्षेत्रमा ल्होछार कार्यक्रमले सांकृतिक तथा धार्मिक परम्परा जगेर्ना गर्न मद्दत पुगेको बताए ।

 

साथै उनले समग्र समुदाय जनजातिको उत्थानको लागी काम गर्ने बाचा समेत व्यक्त गरे । उनले भने – सबै समुदायको चाडलाई सम्मान गर्नु पर्छ । यो हाम्रो कर्तव्य पनि हो ।

 

उक्त कार्यक्रममा वडा अध्यक्ष नारायण बहादुर घलेले वडामा रहेको जनजाति मात्र बजेट छुटाएको हैन वडा सबै समुदायको विकासको लागि सबैलाई सम्मान तरिकाले अगाडि बढेको छ भने । उनले बाहुन क्षेत्रीले पनि आफ्नो कला संस्कृतिक झल्काउने खइजेडीको जगेर्ना गर्न कार्यक्रम सहित आए वडाले सहयोग गर्ने बताए ।

 

कार्यक्रममा दृष्टि विहिन गायक विराज राई गीत संगित माध्यम बाट मनोरञ्जन दिएका थिए । कार्यक्रम वृहत् ल्होछार मुल समारोह समितिको अध्यक्ष चन्द्र बहादुर ग्लान सभापतिमा सम्पन्न भएको थियो ।