सरकारले शैक्षिक संस्थाहरुलाई कमजोर बनाउने काम गरेको डा. शेखरको आरोप

काठमाण्डौं- नेपाली कांग्रेसका प्रभावशाली नेता डा. शेखर कोइरालाले वर्तमान सरकारले शैक्षिक संस्थाहरुलाई कमजोर बनाउने काम गरेको बताए ।

फेसबुकमा स्टाटस लेख्दै डा. कोइरालाले दलीय आधारमा पदाधिकारीहरुलाई अनावश्यक दुख दिने काम गरेर उनीहरुको मनोबल कमजोर बनाउने काममा सरकार लागेको आरोप लगाए ।

उनले लेखेका छन् संस्कृत बिश्वबिध्यालयका उपकुलपतीलाई अपराधी जसरी बिमानस्थलबाट पक्रनु, सुदुरपश्चिम बिश्वबिध्यालयका उपकुलपतीको निलम्बन, मध्यपश्चिम बिश्वबिध्यालयका रजिष्टारको बर्खास्ती, बिपी कोइराला स्वास्थ्य बिज्ञान प्रतिष्ठानका रेक्टर र रजिष्टारको सिफारिसमा उपकुलपती हटाइनु, त्रिबि अन्तर्गतका पद्मकन्या लगायत अधिकांश क्याम्पसमा प्रमुखको नियुक्ती हुन नसक्नु, राप्ती स्वास्थ्य बिज्ञान प्रतिष्ठानका उपकुलपती लगायत पदाधिकारीहरूमाथी कारबाहीको सिफारिस गरिनुले सरकार सर्बसत्ताबाद हूदै अधिनायकबादतर्फ अगाडी बढेको प्रष्ट्र देख्न सकिन्छ।

सरकारको यस्ता हर्कतलाई नेपाली कांग्रेस लगायत लोकतान्त्रिक शक्ती, नागरिक समाज एवं बूद्धिजिवीहरूले एकताबद्ध भई जवाफ दिन पनि नेता कोइरालाले सबैलाई आव्हान गरेका छन् ।