hello
सत्य, निष्पक्ष र खोजमुलक समाचार
शनिवार, ४ श्रावण २०७६ / Saturday, 20 July 2019

बागमती गाउँपालिका वडास्तरिय वडाअध्यक्ष कप फुटबल प्रतियोगिता सम्पन्न,उपाधि योङ ब्रदर्सलाई


प्रकाशित समय: आइतवार, ०७ : २१ बजे चैत्र २४ गते



बागमती गाउँपालिका वडास्तरिय वडाअध्यक्ष कप फुटबल प्रतियोगिता सम्पन्न,उपाधि योङ ब्रदर्सलाई

ललितपुर, बागमती गाउँपालिकाको वडा नम्बर ४, प्युटार स्थित खेल मैदानमा भएको वडा स्तरिय वडा अध्यक्ष फुटबल कप प्रतियोगिता शनिबार सम्पन्न भएको छ।

 

छोर्गे युवा क्लबकोआयोजनामा शुरु गरिएको वडा स्तरिय अध्यक्ष कप फुटबल प्रतियोगिता चैत्र २० गतेबाट सुरु भएको थियोे। वडा अध्यक्ष फुटबल कप प्रतियोगितामा गाउँपालिका भित्रका नौवटा क्लबले भाग लिएका थिए।

 

स्वास्थ्यका लागि खेलकुद राष्ट्रका लागि खेलकुद भन्ने मुल नाराका साथ सुरु भएको खेललाई बागमती गाउँपालिका र वडा नम्बर ४ प्युटारले आर्थिक सहयोग गरेको थियो। शनिबार सम्पन्न प्रतियोगिताको उपाधि योङ ब्रदर्स युवा क्लब ७, गिम्दिले हात पारेको छ।

 

त्यस्तै माझखण्ड युवा क्लब इकुडोल दोस्रो, आयोजक छोर्गे युवा क्लब तेस्रो भए। त्यस्तै सिमले युवा क्लब प्युटारले सान्तोना स्थानमा चित्त बुझाउनु पर्यो।

 

प्रतियोगितामा उत्कृष्ट खेलाडीको रुपमा सूर्यकिरण लोप्चन घोषित भए। उत्कृष्ट डिफेन्डर आयोजक छोर्गे युवा क्लबका सुबास घलान भए भने वेष्ट किपरको रुपमा योङ ब्रदर्शका सुवास जिम्बा घोषित भए।

 

विजयी खेलाडीहरुलाई कार्यक्रमका प्रमुख अतिथि बागमती गाउँपालिका प्रमुख वीरबहादुर लोप्चनले नगद, प्रमाणपत्र र ट्रफी पुरस्कार प्रदान गरेका थिए।