सत्य, निष्पक्ष र खोजमुलक समाचार
सोमवार, २३ मंसिर २०७६ / Monday, 09 December 2019

सिन्धूपाल्चोकका विधार्थीलाई हेल्प नेपालको छात्रवृति


प्रकाशित समय: आइतवार, ०८ : २३ बजे भदौ १ गते



सिन्धूपाल्चोकका विधार्थीलाई हेल्प नेपालको छात्रवृति

काठमाडौं-  हेल्प नेपालले सिन्धूपाल्चोकका विद्यार्थीलाई छात्रवृत्ति प्रदान गरेको छ । शनिबार काठमाडौंको होटल ग्र्यान्ड नोर्लिङमा आयोजित कार्यक्रममा ४९ विद्यार्थीलाई छात्रवृत्ति प्रदान गरिएको हेल्पका अध्यक्ष जिम्मी लामाले जानकारी दिए ।

 

कार्यक्रममा सबैभन्दा बढी छात्रवृति लगार्चेका सुवाष तामाङले नगद एक लाख र दुबाचौरकी सन्ध्या पुरीले नगद ७५ हजार छात्रवृत्ति पाएका छन् । विभिन्न कलेजमा अध्ययनरत विद्यार्थीहरुमध्ये २० जनालाई पाँचपोखरी गाउँपालिकाको सहकार्यमा विषेश छात्रवृति प्रदान गरिएको छ ।

 

सिन्धुपाल्चोकमा उच्च माविमा अध्ययनरत विद्यार्थीलाई उनीहरुको शैक्षिक क्षमताका आधारमा विभिन्न विषयका लागि छात्रवृत्ति प्रदान गरेको हो । हेल्पले सिन्धुपाल्चोकको शैक्षिक क्षेत्रमा काम गर्दै आएको छ । संस्थाले भूकम्पपछि १३ विद्यालय भवनसमेत पुनर्निमाण गरेको थियो भने विभिन्न ५० स्कुलसँग शैक्षिक वृत्तिविकासका लागि सहकार्य गर्दै आएको छ ।

 

नेपाली कांग्रेसका केन्द्रीय सदस्य डा शेखर कोइरालाको प्रमुख आतिथ्यमा सम्पन्न कार्यक्रममा मिस नेपाल २०१९ अनुष्का श्रेष्ठ, शिक्षाविद् डा विद्यानाथ कोइराला, पाँचपोखरी थाङपालधाप गाउँपालिकाका प्रमुख टासी लामा, डा चिन्तामणि योगी, कृष्णगोपाल तामाङ, प्रिय सिग्देल, मनिष झा, रमन नेपाली लगायत उपस्थित थिए ।

 

कार्यक्रममा तीन शिक्षकलाई समेत सम्मान गरिएको छ । सामुदायिक विद्यालयमा पु¥याएको योगदानको कदर गर्दै याङरीमा स्कुलका प्रमुख गोपाल लामा, भोटेनम्लाङ माविका सुके तामाङ र रिसङखुमनी स्कुलका तेजनाथ भण्डारीलाई सम्मान गरिएको हो ।