सहकारी बैंकको खुद नाफा १२ करोड नाघ्यो

काठमाडौं । आर्थिक वर्ष २०७४/०७५ राष्ट्रिय सहकारी बैंकले दोस्रो त्रैमासमा १२ करोड १५ लाख ९ हजार खुद नाफा आर्जन गरेको छ । बैंकले अघिल्लो आर्थिक वर्षको यही त्रैमासमा ९ करोड ८५ लाख ७३ हजार रुपैयाँ खुद नाफा मात्र आर्जन गरेको थियो ।

बैंकले सोमबार जारी गरेको अपरिस्कृत वित्तीय विवरण अनुसार बैंकको सेयर पुँजी ९३ करोड पुगेको छ । गत वर्षको यही त्रैमासको बैंकको सेयर पुँजी ८० करोड रहेको थियो । यस त्रैमासमा बैंकले ८४ करोड ४० लाख व्याज आम्दानी गर्न सफल भएको छ ।