टी–ट्वान्टी विश्वकप छनोटमा नेपालले आज तेस्रो स्थानको लागि ओमानसँग खेल्दै

काठमाडौं । आईसीसी पुरुष टी–ट्वान्टी विश्वकप छनोटमा नेपालले आज तेस्रो स्थानको लागि ओमानसँग खेल्दै छ । ओमानको अल अमेरातमा हुने नेपाल र ओमानबीचको खेल नेपाली समय अनुसार दिउँसो पौने ४ बजे सुरु हुनेछ । 
सेमिफाइनलमा पराजित भएपछि अष्ट्रेलियामा हुने टी–ट्वान्टी विश्वकपमा पुग्ने नेपालको सपना भने अधुरै रहेको छ । आज ओमानलाई हराए नेपाल तेस्रो स्थानमा रहनेछ । छनोटको उपाधिका लागि भने युएई र आयरल्याण्ड खेल्ने भएका छन् । फाइनल पुगेका युएई र आयरल्याण्ड अष्ट्रेलिया विश्वकपका लागि समेत छनोट भएका छन् ।