आईसीसी पुरुष क्रिकेट विश्वकपः नेपाल र अमेरिकाबीच ‘टाइ’

एजेन्सी । आईसीसी पुरुष क्रिकेट विश्वकप लिग टु को त्रिदेशीय एकदिवसीय सिरिज अन्तर्गत नेपाल र अमेरिकाबीचको खेल बराबरीमा सकिएको छ । अमेरिकाको टेक्ससमा आज बिहान सम्पन्न खेलमा नेपाल र अमेरिकाबीचको खेल ‘टाइ’ अर्थात् बराबरी भएको हो । मोसा क्रिकेट मैदानमा टस जितेर पहिले ब्याटिङ गर्दै नेपालले २ सय ७४ रन बनायो । २ सय ७५ रनको लक्ष्य पछ्याएको अमेरिकाले ५० ओभरमा ६ विकेट गुमाएर १ सय ७४ रन जोडेपछि खेल ‘टाइ’ भएको हो । 

खेल टाइ भएपछि नेपाल र अमेरिकाले एक÷एक अङ्क पाएका छन् । लिग टु मा नेपाल १४ खेलमा १३ अङ्क जोडेर छैटौं स्थानमा रहेको छ भने अमेरिका २२ खेलमा २१ अङ्क जोडेर चौंथो स्थानमा रहेको छ । सिरिज अन्तर्गत पहिलो खेलमा नेपाल ओमानसँग १३ रनले पराजित भएको थियो । अब नेपालले तेस्रो खेलमा ओमानविरुद्ध पर्सि र अन्तिम खेलमा अमेरिकाविरुद्ध बुधवार खेल्ने तालिका रहेको छ ।