सत्य, निष्पक्ष र खोजमुलक समाचार
शनिवार, ११ फाल्गुन २०७५ / Saturday, 23 February 2019

भारी हिमपातका कारण गोसाइँकुण्ड जाने पदमार्ग बन्द

..
प्रकाशित समय: बुधवार, ०८ : ११ बजे माघ १६ गते



भारी हिमपातका कारण गोसाइँकुण्ड जाने पदमार्ग बन्द

रसुवा, यही माघ ८ गतेदेखिको भारी हिमपातका कारण धार्मिक एवं पर्यटकीय क्षेत्र गोसाइँकुण्ड जाने पदमार्ग बन्द भएको छ ।

 

चन्दनबारीका पर्यटन व्यवसायी सुब्बा लामाका अनुसार हिमपातले चोलाङपाटीभन्दा माथि पैदलमार्गमा करीब डेडफिट हिउँ जमेकाले सो मार्गको आवतजावत बन्द भएको हो । पहिलापहिला विशेष धार्मिक पर्वमा मात्र आउने तीर्थयात्रु विसं २०७२ को भूकम्पपश्चात् बारै महीना निरन्तर आउन थालेका थिए ।

 

यात्रु तथा पर्यटकका रूपमा मानिसको चहलपहल बढिरहेको बेला हिमपातले गोसाइँकुण्ड जाने मानिस अहिले लौरीविनायकको फेद चोलाङपाटी बाटै फर्किन थालेको सो धार्मिक मार्गका पर्यटन व्यवसायीले बताएका छन् ।

 

गणेशगौडाबाट पूर्वतर्फ जाने मार्ग अप्ठयारो भिर भएकाले हिमपातले पैदल मार्ग ठम्याउन मुस्किल पर्ने र अर्काे तर्फ भिरको बाटो जोखिम बढ्ने भएकाले पैदलयात्रु चोलाङपाटी बाटै हिउँको आकर्षणबाट मोहित भएर फर्कने गरेको व्यवसायीको भनाइ छ ।

 

दैनिकरूपमा सरदर १५÷२० जनाले धार्मिक मार्गमा ओहोरदोहोर गर्ने गरेको बताइएको छ । हिमपात शुरू भएदेखि नै गोसाइँकुण्ड, लौरीविनायक तथा चोलाङपाटीका पर्यटकीय होटलका व्यवसायी बेँसीतर्फ झरिसकेका छन् ।

 

हिउँ पग्लिँनासाथ एक ÷ डेढ हप्तामा सबै होटलका मालिक यात्रुको बास र भोजनको व्यवस्था मिलाउन गोसाइँकुण्ड पुगी आफ्नो पेशालाई निरन्तरता दिने व्यवसायी लामाले जानकारी दिनुभयो