समयमै काम नगर्ने १७ ठेकेदार कम्पनी कालोसूचीमा, तीन वर्षसम्म काम गर्न नपाउने

काठमाडाैं । प्रधानमन्त्री तथा मनित्रपरिषद्को कार्यालय अन्तर्गतको सार्वजनिक खरिद अनुगमन कार्यालयले १७ ठेकेदार कम्पनीलाई कालोसूचीमा राखेको । विभिन्न सार्वजनिक कार्यलयहरूको आग्रहमा ठेकेदारलाई कालोसूचीमा राखिएको सार्वजनिक खरिद अनुमगन कार्यालयले जनाएको छ । ठेकेदार कम्पनीहरूलाई आजकै मितिदेखि कालोसूचीमा राखिएको सार्वजनिक सूचना जारी गरेको छ ।

समयमा काम गर्ने, गुणस्तरहीन काम गर्नेलगायतका कारणले ती कम्पनी कालोसूचीमा परेका हुन् । मोबिलाइजेसन खर्च लिने तर काम समयमा नगर्ने कारण ठेकेदार कम्पनीहरू बदनाम भइरहेका छन् । जसले गर्दा उनीहरू काम गर्न नसकेर कालोसूचीमा पर्ने गरेका छन् । यसरी कालोसूचीमा पर्नेमा सिरुवा कन्स्ट्रक्सन प्रा लि, साहनी बिल्डर्स, भारत कन्स्ट्रक्सन, मैनाचुली, सिद्धिसाई जेभि, आर डी सप्लायर्स, सुनौलो खिम्ती कन्स्ट्रक्सन, एस कन्स्ट्रक्सनलगायत रहेका छन् । यी कम्पनीहरूलाई तीन वर्षसम्मका लागि कालोसूचीमा राखिएको हो । यी कम्पनीहरूले अब तीन वर्षसम्म कुनै काम गर्न पाउने छैनन् ।