कांग्रेसको केन्द्रीय कार्यसम्पादन समितिको बैठक मंसिर २९ गते

काठमाडौं।संसदको सबैभन्दा ठूलो दल नेपाली कांग्रेसको केन्द्रीय कार्यसम्पादन समितिको बैठक मंसिर २९ गते हुने भएको छ ।

कांग्रेसको विधान अनुसार, कार्यसम्पादन समिति ४६ जनाको हुने व्यवस्था छ । कांग्रेसका सभापति शेरबहादुर देउवाले ३७ जनाको कार्यसम्पादन समिति बनाइसकेका छन् ।विधान अनुसार, कार्यसम्पादन समितिको बैठक प्रत्येक महिना बस्नुपर्ने व्यवस्था छ ।

देउवाले मंसिर २९ गतेका लागि केन्द्रीय कार्यसम्पादन समितिको बैठक बोलाएका हुन् । बैठक मंसिर २९ गते शुक्रबार दिउँसो १२ः१५ बजे पार्टीको केन्द्रीय कार्यालय, बी.पी. स्मृति भवनमा बस्ने गरी बोलाइएको छ ।

कांग्रेसले आउँदो पुस १६ देखि १९ का लागि महासमिति बैठक बोलाएको छ ।