बाजुरामा ट्रयाक्टर दुर्घटना, ४ जनाको मृत्यु

बाजुरा । बाजुराको मार्तडीघटमुना सडकमा दुई ट्याक्टर दुर्घटना हुँदा चार जनाको मृत्यु भएको छ । बडीमालिका नगरपालिका-२ खडीगाडमा आइतबार साँझ दुई ट्याक्टर ठोक्किदा दुर्घटना भएको प्रहरीले जनाएको छ ।

बडीमालिका नगरपालिका–२ का ३८ वर्षीय देवराज जोशी, ३३ वर्षीया करिष्मा रोकाया, वडा नं. १ का ३५ वर्षीय चन्द्र दानी र गौमुल गाउँपालिका–६ बस्ने ३० वर्षीय ट्याक्टर चालक हिक्मत रोकायाको मृत्यु भएको हो ।

जिल्ला प्रहरी कार्यालय बाजुराका प्रहरी नायब उपरीक्षक कविन्द्रसिं बोहराका अनुसार मार्तडीबाट गौमुल गाउँपालिकाको घटमुना जाँदै गरेको लु४ त ७३०५ र सुपप्र ०१००२ त ४१०५ नम्बरको ट्याक्टर एकअर्कालाई उछिन्न खोज्दा दुर्घटना भएको हो ।

लु ४ त ७३०५ नम्बरको ट्याक्टर सडकको माथि पट्टी दुर्घटना भएको र सुपप्र ०१००२ त ४१०५ ट्याक्टर खडीगाड खोलामा खसेको थियो ।