ललितपुरको बालकुमारीमा मन्त्री प्रकाश ज्वालाको गाडीमा आगजनी

काठमाडौं। भौतिक पूर्वाधार तथा यातायात मन्त्री प्रकाश ज्वालाको गाडी जलाइएको छ ।

रोजगार अनुमति प्रणाली (ईपीएस) परीक्षाको विषयलाई लिएर प्रदर्शनमा उत्रिएका युवाहरूले ललितपुरको बालकुमारीमा मन्त्री ज्वालाको गाडीमा आगो लगाइदिएका छन् ।उनीहरुले बा २ झ ५८६१ नम्बरको गाडीमा आगजनी गरेका हुन् ।उक्त गाडीमा सवार मन्त्री र पीएसओलाई गाडीबाट बाहिर निकालेर प्रदर्शनकारीले गाडीमा आगो लगाएको प्रत्यक्षदर्शीले नेपालमन्चलाई बताए ।

प्रदर्शनकारीले चक्रपथ अन्तर्गत कोटेश्वर-कलंकीको सडक अवरुद्ध पारेर प्रदर्शन गरिरहेका छन् । अहिले आन्दोलनका कारण डकको यातायात प्रभावित भएको छ ।आन्दोलन उग्र बन्दै गएपछि प्रहरीले प्रदर्शनकारीलाई तितर वितर बनाउन अश्रुग्यास प्रहार गरेको छ ।