सीआईबीले गर्‍यो रामबहादुर बमजनलाई सार्वजनिक, मोबाइलमात्रै १४ वटा

काठमाडौं। तपस्वी रामबहादुर बम्जनलाई प्रहरीको केन्द्रीय अनुसन्धान ब्यूरो सीआईबी ले सार्वजनिक गरेको छ ।बुधबार आयोजित पत्रकार सम्मेलनमा बम्जनलाई ब्यूरोको महाराजगञ्जस्थित कार्यालयमा सार्वजनिक गरिएको हो ।

बम्जन मंगलबार बुढानीलकण्ठस्थित घरबाट पक्राउ परेका थिए ।उनीमाथि बाल यौन दूराचारको आरोप रहेको छ ।उनलाई छिट्टै सर्लाही जिल्ला अदालतमा पेश गर्ने तयारी रहेको सीआईबीले जनाएको छ । बम्जनमाथि सर्लाही जिल्ला अदालतले २०७६ सालमा पक्राउ पुर्जी जारी गरेको थियो ।

गाडी भेटियो

बम्जनले प्रदेश ३–०१ ०२४ च ६७२९ नम्बरको टोयटा फर्च्युन गाडी चढ्ने गरेका थिए । उनले हालै सेतो रङको ल्याण्डक्रुजर गाडी पनि खरिद गरेका थिए ।५ करोडमा बुक गरेको गाडीका लागि ३ करोड भुक्तानी गरिसकेको खुलेको सीआईबीले जनाएको छ ।

उनीसँग क्रस फायर, केटीएम ड्युक, यामाहा रे जेडआर स्कुटरलगायत चार वटा मोटरसाइकल पनि रहेको सीआईबी ले जानकारी दिएको छ ।

पैसा बरामद

उनको घरबाट ३ करोड ३ लाख ७५ हजार ५०० रुपैयाँ र विभिन्न १७ देशका मुद्रा गरी ३० लाख ९२ हजार ४०६ रुपैयाँ बरामद गरेको छ ।

मोबाइलमात्रै १४ थान बरामद

उनको साथबाट प्रहरीले मोबाइलमात्रै १४ थान बरामद गरेको छ ।प्रहरीका अनुसार, बरामद दसीमा मोबाइल बाहेक ३ वटा मोटरसाइकलको बिलबुल रहेका छन् ।

यस्तै गाडीको चाबी १ थान, विभिन्न ब्राण्डको पेनड्राइभ २० थान, भोइस रेकर्डर १ थान, विभिन्न ब्राण्डको मेमोरी कार्ड २ थान, आईप्याड र ट्याब ५ थान र अन्य मागजातहरु बरामद भएको सीआईबीले जनाएको छ ।