सत्य, निष्पक्ष र खोजमुलक समाचार
बुधवार, ५ कार्तिक २०७७ / Wednesday, 21 October 2020

गोदावरी नगरपालिकाको सातौं नगरसभा सम्पन्न


प्रकाशित समय: बुधवार, ०६ : ३३ बजे असार १० गते



गोदावरी नगरपालिकाको सातौं नगरसभा सम्पन्न

ललितपुर, १० असार । गोदावरी नगरपालिकाको सातौं नगरसभा आज सम्पन्न भएको छ । नगरसभामा प्रस्तुत गरिएको आगामी आ.व. २०७७/०७८ को नीति, कार्यक्रम तथा बजेट पनि सर्वसम्मति रुपमा पारित भएको छ ।

नगरसभामा प्रस्तुत गरिएको मूख्य–मूख्य विषय निम्न रहेको नगरपालिका प्रमुख गजेन्द्र महर्जनले बताउनुभयो ।

१. विभिन्न वडामा कृषि पकेट क्षेत्र

२. वडा नं ७ देवीचौरमा चिस्यान केन्द्र व्यवस्था गरिने ।

३. सिताके च्याउ खेतीलाई विशेष अनुदान दिइनेछ ।

४. गड्यौला मल खेतीलाई प्रोत्साहन दिने ।

५. डुकुछाप छम्पी सीमानामा टेक्साटाइल हव क्षेत्रको निर्माण गर्न सम्भाव्यता अध्ययन ।

६. गोदावरी वसपार्कमा ठूलो डिजिटल पर्यटकीय जानकारी बोर्ड राखिने ।

७. एक पालिका एक उत्पादन मोडलमा जग्गा बाँझो नहुने गरी सहकारी खेती फार्मको प्रवद्र्धन ।

८. माध्यमिक विद्यालयहरुमा स्मार्ट बोर्ड र सिसिटीभि प्रयोग गरी शिक्षण सिकाइमा सुधार ल्याउने ।

नगरस्तरीय पुस्तकालय वडा नं ४ बडिखेल ।

१०. मातृभाषामा प्राथमिक शिक्षा दिने व्यवस्थाको लागि पहल गरिने ।

११. नगरपालिका क्षेत्रभित्र विश्वविद्यालय स्थापनाका लागि पहल गर्ने ।

१२. नगरपालिकालाई योग नगरपालिका का रुपमा विकास गर्न विभिन्न कार्यक्रमहरु सञ्चालन गर्ने ।

१३. कोरोना भाइरसको महामारीलाई नियन्त्रण गर्नका लागि मास्क र स्यानिटाइजरको सर्वशुलभ उपलब्धतालाई जोड दिइनेछ ।

१४. बज्रवाराही चापागाउँ अस्पतालमा ७० वर्ष नाघेका जेष्ठ नागरिकलाई निःशुल्क स्वास्थ्य सुविधा प्रदान गरिने ।

१५. सार्वजनिक शौचालय निर्माण गर्ने नीति लिइनेछ ।

१६. खेलकुद क्षेत्रलाई प्रवद्र्धन गर्न नगरपालिकामा बहुउदेश्यीय गोदावरी रङ्गशाला निर्माण कार्यलाई निरन्रता दिइनेछ ।

१७. यूवा स्वंयसेवक कार्यक्रम सञ्चालन गरिने ।

१८. स्थानीय भाषा, साहित्य, कला, संस्कृति र मातृभाषाको संरक्षण, सम्वद्र्धन र प्रवद्र्धनमा विशेष कार्यक्रम सञ्चालन गरिने ।

१९. नगरपालिकाभित्र अपाङ्गमैत्री, विपन्न न्यूनीकरण, सिमान्तकृत तथा दलित उत्थानका कार्यक्रमलाई प्राथमिकता दिइनेछ ।

२०. जेष्ठ नागरिक दिवा सेवा केन्द्र सञ्चालनलाई बजेटको व्यवस्था मिलाइएको छ र अन्य वडाहरुमा दिवा सेवा केन्द्र निर्माणको पहल गरिने छ ।

२१. कोरोन भाइरसको महामारीवाट पीडित बालवालिकाका लागि उद्धार र सुरक्षाको कार्यक्रम सञ्चालन गरिने ।

२२. नगरपालिकाको सम्पूर्ण स्थानवाट नगरपालिकाको कार्यालय आउ–जाउ गर्न सहज हुने गरी यातायात सञ्चालन गरिनेछ ।

२३. नगरक्षेत्रभित्र सिंचाई सुविधाका लागि राजकुलो मर्मत र सम्भार कार्यलाई निरन्तरता दिइनेछ ।

२४. भू्कम्पपीडित घरधनीलाई घर निर्माण गर्न सहजीकरण र नक्शा पासमा दिंदै आएको कर छुटलाई निरन्तरता दिइनेछ ।

२५. पुरातात्विक शैलीमा घर निर्माण गरेमा रु. १ लाख विशेष सहुलियत दिइनेछ ।

२६. विश्वव्यापी रुपमा फैलिरहेको कोरोना महामारीवाट हुने जोखिम न्यूनीकरणको लागि Hand Contact Less Hand Wash Systeam हरेक वडामा विस्तार गरिनेछ ।

२७. वातावरणमैत्री प्राङ्गारिक कृषि प्रविधिको विकास र विस्तार गरिनेछ ।

२८. बज्रवाराहीको काँडे भ्याकुर र गोदावरीको सेतो पुतलीको संरक्षणमा जोड दिइनेछ ।

२९. नगरपालिकालाई प्लाष्टिकमुक्त क्षेत्र घोषणा गर्दै यसको विकल्पका सामाग्रीहरुको प्रयोगमा प्राथमिकता दिइनेछ ।

३०. यूवा पिंढीलाई आकर्षित गरी आधुनिक व्यवसायिक रुपमा जडिबुटी खेतीमा संलग्न गर्न पहल गर्ने ।

३१. नगर सौन्दर्य वृद्धि र हरियाली प्रवद्र्धन गर्न सडक छेउछाउ रुख रोप्ने अभियानलाई निरन्तरता दिइएको छ ।

३२. नगरपालिकालाई स्मर्ट सिटीका रुपमा विकास गर्ने लक्ष्यका साथ कार्यक्र तथा योजना कार्यान्वयन गरिनेछ ।

३३. नगरपालिकाको विभिन्न स्थानमा सिसिटिभी जडान तथा डिजिटल नागरिक वडापत्र, सूचना पार्टी, घर नम्बरिङ र डिजिटल नगरप्रोफाइलको व्यवस्था गर्ने कार्यलाई अगाडी बढाइनेछ ।

 

यसै गरी गोदावरी नगरपालिकाको आगामी आ.व. २०७७÷०७८ को कुल बजेट एक अर्व ६८ करोड ६५ लाख २२ हजार हुने अनुमान गरेको छ ।

आज नगरपालिकाको सातौं नगरसभामा उक्त बजेट प्रस्तुत गरिएको थियो । कुल बजेटमध्ये आन्तरिक राजश्वतर्फ १६ करोड, संघीय सरकार समानीकरण अनुदान तर्फ २० करोड २८ लाख, संघीय सरकार राजश्व बाँडफाँड तर्फ १० करोड ९६ लाख ५७ हजार २ सय ९०,प्रदेश सरकार समानीकरण अनुदान तर्फ १ करोड १२ लाख, प्रदेश सरकार राजश्व बाँडफाड तर्फ ४ करोड १२ लाख ५० हजार, मालपोत राजश्व बाँडफाडवाट २० करोड ६ लाख ४२ हजार ७ सय १०, शर्शततर्फ ६० करोड २९ लाख ७२ हजार, चालु आवको अल्या ३५ करोड रहेको गरी कुल एक अर्व ६ करोड ६५ लाख २२ हजारको आय अनुमान गरेको नगरप्रमुख गजेन्द्र महर्जनले बताउनुभयो ।

 

यसै गरी नगरपालिकाको चालुतर्फ रु. ९५ करोड २९ लाख ७२ हजार र विकास निर्माणलाई गति दिन पूँजीगत नगरस्तरीय योजनातर्फ ३९ करोड ३५ लाख ५० हजार तथा वडास्तरीय योजनातर्फ १४ करोड र चालु आवको साविक योजनाका लागि २० करोड गरी कुल एक अर्व ६८ करोड ६५ लाख २२ हजारको व्यय अनुमान रहेको छ ।