धरमरमा सत्तागठबन्धन, बालुवाटारमा गठबन्धनका शीर्ष नेताहरुको बैठक बस्दै

काठमाडौं । सत्ता गठबन्धनका शीर्ष नेताहरुको बैठक बस्दैछ । आज बिहान बालुवाटारमा गठबन्धनको बैठक बस्न लागेको हो । आइतबारबाट एकाएक सत्ता गठबन्धन संकटमा परेको चर्चा भइरहेको छ । प्रधानमन्त्री पुष्पकमल दाहाल प्रचण्डले कांग्रेसलाई बाहिर राखेर नयाँ गठबन्धन बनाउन खोजेको चर्चा छ । आज बिहान बस्ने गठबन्धनको बैठकले यो सरकारको आयू निर्धारण गर्ने दावी गरिएको छ ।

प्रधानमन्त्री प्रचण्डले आइतबार मात्रै पटकपटक प्रमुख प्रतिपक्षी दल नेकपा एमालेका अध्यक्ष केपी शर्मा ओली, राष्ट्रिय स्वतन्त्र पार्टीका अध्यक्ष रवि लामिछाने, जनता समाजवादी पार्टीका अध्यक्ष उपेन्द्र यादवलगायतसँग छलफल गरेका थिए । आज बिहान सत्ता गठबन्धनको बैठक बसेलगत्तै प्रतिपक्षी दलहरुसँग प्रधानमन्त्रीको छलफल रहेको बताइएको छ ।