आगलागीमा मृत्यु भएका परिवारलाई गोदावरी नगरपालिकाले ५ लाख दिने

ललितपुर, गोदावरी नगरपालिका वडा नम्बर ४ बडिखेल स्थित कुमारी सामुदायिक वनमा डढेलो निभाउने क्रममा आगलागी भई मृत्यु भएका शंकर पहरी र रमी पहरीको परिवारलाई गोदावरी नगरपालिकाले पाँच लाख राहत दिने निर्णय भएको छ। 

गोदावरी नगरपालिकामा आज बसेको आकस्मिक बैठकले मृतकका परिवारलाई राहत स्वरूप प्रति परिवार पाँच लाख दिने निर्णय गरिएको नगर प्रमुख गजेन्द्र महर्जनले जानकारी दिए। 

हिजो पहरी बस्तीमाथि कुमारी सामुदायिक वनमा लागेको डढेलो नियन्त्रण गर्न गएका स्थानीय शंकर र रमी गम्भीर घाइते भएका थिए। डढेलोले जलेर घाइते भएका उनीहरूलाई तत्कालै कीर्तिपुर स्थित बर्न अस्पतालमा लगिएको थियो।

उपचाररत गम्भीर घाइते शंकर पहारीको उपचारकै क्रममा हिजो मृत्यु भएको थियो भने अर्का घाइते रमी पहरीको आज उपचारकै क्रममा मृत्यु भएको हो।