सत्य, निष्पक्ष र खोजमुलक समाचार
मगलवार, १ श्रावण २०८१ / Tuesday, 16 July 2024

नगरसभाबाट ललितपुर महानगरको बजेट पारित



प्रकाशित समय: सोमवार, ०८ : १७ बजे असार १८ गते



नगरसभाबाट ललितपुर महानगरको बजेट पारित

ललितपुर,ललितपुर महानगरपालिकाको नगरसभाले आगामी आर्थिक वर्षका लागि ७ अर्ब ४६ करोडको बजेट पारित गरेको छ । .

असार १० गते महानगरकी उपप्रमुख मञ्जली शाक्यले नगरसभामा प्रस्तुत गरेको बजेट सोमबार बसेको नगरसभाले बैठकले पारित गरेको हो । महानगरका सूचना अधिकारी देवप्रसाद गुरागाइँले आर्थिक वर्ष २०८१ ÷२०८२का लागि बजेट पारित गरेको जानकारी दिए । महानगरको नीति तथा कार्यक्रम यस अघिको बैठकले पारित गरेको उनले बताए । महानगरका अनुसार चालु खर्चतर्फ २ अर्ब ७८ करोड ८९ लाख र पुँजीगततर्फ ४ अर्ब ६७ करोड ९४ लाख विनियोजन गरिएको छ । महानगर प्रमुख चिरीबाबु महर्जनले बजेटमा व्यापक छलफल गरी पारित गरेको बताए । उनले भने , ‘चरणबद्धरुपमा हामीले औपचारिक, अनौपचारिक ढंगबाट छलफल ग¥यौँ ।’महानगर प्रमुख चिरीबाबु महर्जनले आगामी आर्थिक वर्षमा महानगरले वातावरण संरक्षण,हरियाली संरक्षण, सम्पदा संरक्षणलाई प्राथमिकता दिएको जानकारी दिए ।