डिजिटल प्लेटफर्मको सकारात्मक प्रयोगले देश विकासमा टेवा पुग्छ : सभापति देउवा

काठमाडौं,नेपाली कांग्रेसका सभापति, संसदीय दलका नेता तथा पूर्व प्रधानमन्त्री शेरबहादुर देउवाले डिजिटल प्लेटफर्मको जिम्मेवार र सकारात्मक प्रयोगले व्यक्तिगत, सामाजिक र राष्ट्रिय विकासमा टेवा पुग्ने बताएका छन्।

नेपाली कांग्रेस सूचना, संचार तथा प्रचार विभागद्वारा केन्द्रीय कार्यालयमा आयोजित “डिजिटल प्लेटफर्मको प्रयोग, प्रभाव र असर” विषयक एक दिने अन्तरक्रियात्मक तालिममा बोल्दै उनले प्रविधिमैत्री, नवप्रवर्तनशील र समृद्ध डिजिटल नेपाल निर्माणमा सबैको सहभागिता आवश्यक रहेको उल्लेख गरे।

उनले शिक्षा, स्वास्थ्य, कृषि, पूर्वाधार, रोजगारी र सार्वजनिक सेवा प्रवाहमा डिजिटल प्रविधिको प्रभावकारी उपयोग गर्नुपर्नेमा जोड दिँदै यसका नकारात्मक असरबारे नागरिकलाई सचेत गराउन पनि आग्रह गरे।

कार्यक्रममा विभागका प्रमुख मीनबहादुर विश्वकर्मा, विभागीय सदस्यहरू, विज्ञहरू र सहभागीहरूको उलेख्य उपस्थिति रहेको थियो।