hello
सत्य, निष्पक्ष र खोजमुलक समाचार
शनिवार, ४ श्रावण २०७६ / Saturday, 20 July 2019

चौतारा साँगाचोकगढी मेयर कप फुटबल - आरसीटी फाइनलमा प्रवेश


प्रकाशित समय: सोमवार, ०९ : ४७ बजे चैत्र २५ गते



चौतारा साँगाचोकगढी मेयर कप फुटबल - आरसीटी फाइनलमा प्रवेश

सिन्धुपाल्चोक -  तोप एक्काइस दोस्रो चौतारा साँगाचोकगढी मेयर कप फुटबल प्रतियोगितामा रानीपोखरी कर्नर टीम(आरसीटी) फाइनलमा प्रवेश गरेको छ ।

 

सोमबार भएको पहिलो सेमिफाईनल खेलमा भगवती युवा क्लब टोखालाई ३–१ गोल अन्तरले पराजित गर्दै आरसीटीले फाईनल यात्रा तय गरेको हो । चौतारो टुडिखेलमा भएको खेलमा आरसीटीका क्उमी जेडीले गरेको गोलबाट आरसीटीले अग्रता लिएको थियो ।

 

पहिलो हाफमा एक् गोलले पछाडि परेको भगवतीले दोस्रो हाफको ११ आंंै मिनेटमा अर्काे गोल थप्यो । नवराज गुरुङको गोलले अग्रता दोब्बर बनाएको आरसीटीले त्यसको सातौं मिनेटपछि अर्काे गोल थप्दै फाइनलको यात्रालाई सुनिश्चित बनाएको थियो । खेलको लयमा फर्कने प्रयासरत भगवतीले पाएको पेनाल्टीलाई सदुपयोग गर्न सकेन । भगवतीका खेलाडी म्याम्सवेलले सान्त्वना एक गोेल फर्कायो ।

 

खेलको म्यान अफ दी म्याच आरसीटीका अजित गुरुङ भए । उनलाई नगद तीन हजारसहित ट्रफी प्रदान गरियो । १२ टिम सहभागी प्रतियोगिताको दोस्रो सेमिफाइनल खेल मंगलबार हुँदैछ ।

 

त्रिभुवन आर्मी र एपीएफबीच हुने  खेलको बिजेताले उपाधिका लागि आरसीटीसँग भिड्नेछ ।

 

सिन्धुपाल्चोक जिल्लामा सञ्चालित सर्वाधिक पुरस्कार राशिको तोप २१ दोस्रो चौतारा सांगाचोकगढी मेयर कप फुटबल प्रतियोगिता चैत २० बाट सुरु भएको हो । प्रतियोगितामा विजयी टिमले ५ लाख ५ हजार संगै ट्रफी, मेडल र प्रमाणपत्र प्राप्त गर्ने छ ।

 

उपविजेताले २ लाख ५ हजार संगै मेडल र प्रमाणपत्र प्राप्त गर्ने आयोजक तोप २१ का अध्यक्ष अशोक कार्कीले बताए ।