सर्वोच्च फैसलाको खुशीयालीमा गोदावरी कांग्रेसद्वारा दीप प्रज्वलन

अदालतले लोकतन्त्र र संविधानको रक्षा गरेको भन्दै नेपाली कांग्रेसको गोदावरी नगर समितिले आज दिप प्रज्वलन गरेको छ। 

सर्वोच्च अदालतबाट संसद् पुनःस्थापना र नेपाली कांग्रेसका सभापति शेरबहादुर देउवालाई प्रधानमन्त्रीमा नियुक्त गर्न परमादेश गरेको खुसियालीमा दीप प्रज्वलन गरिएको नगरका सभापति सुरज श्रेष्ठले बताए। 

अदालतको ऐतिहासिक फैसला लोकतन्त्रवादी कानुनी व्यवस्थाको जित भएकाले नगर समितिको आयोजनामा दीप प्रज्वलन गरिएको श्रेष्ठले बताए। 

उक्त कार्यक्रममा गोदावरी नगरपालिकाका नगर प्रमुख गजेन्द्र महर्जन, तरुण दल नगर सभापति बिक्रम बहादुर श्रेष्ठ, तरुण विभाग वागमति सचिव उमेश कायस्थ लगायत नेता कार्यकर्ताहरूको सहभागिता रहेको थियो।