सत्य, निष्पक्ष र खोजमुलक समाचार
आइतवार, ८ भदौ २०७६ / Sunday, 25 August 2019

पशुपालन गर्न चाहने किसानलाई लिसङ्खुपाखरले एक प्रतिशत ब्याजदरमा ऋण दिने


प्रकाशित समय: सोमवार, ०५ : ३१ बजे जेठ २७ गते



पशुपालन गर्न चाहने किसानलाई  लिसङ्खुपाखरले एक प्रतिशत ब्याजदरमा ऋण दिने

सिन्धुपाल्चोक-  लिसङ्खुपाखर गाउँपालिकाले पशुपालन गर्न चाहने किसानलाई एक प्रतिशत ब्याजदरमा ऋण उपलब्ध गराउने भएको छ ।

 

गाउँपालिकाकाले अनुदानको नाममा वितरण हुने रकमलाई छुट्टै कोष स्थापना गरी ऋण लगानी गर्न लागेको हो । त्यसको लागि गाउँपालिकाले पहिलो चरणमा पशुपालन तर्फ १५ लाख रुपैैयाँ बजेट छुट्टाएको छ ।

 

सो रकम परिचालनको लागि कार्यविधि बनाएर कार्यपालिका बैठकले अनुमोदन समेत गरिसकेको गाउँपालिकाका अध्यक्ष कमल नेपालले जानकारी दिनुभयो । अनुदान दिंदा पहुँचवाला किसानले मात्रै पाएको र वास्तविक किसान छुटेको भन्दै गाउँपालिकाले यस्तो नीति ल्याएको अध्यक्ष नेपालको भनाई छ ।

 

ऋण वितरणको लागि अनुदान कार्यान्वयन तथा सिफारिस समिति गठन गरिनेछ । पशुपालन गरिरहेका वा गर्न चाहेका किसानले प्रस्तावना पत्र सहित सो समितिमा आवेदन दिनसक्ने गाउँपालिकाले जनाएको छ ।