आमाको आशीर्वाद र जनताको साथमा चुनाव जित्छु - ऋषिराम घिमिरे

ललितपुर । नेपाली काँग्रेस ललितपुर क्षेत्र नं.१ को प्रदेश सभा १ मा लोकप्रिय नेता ऋषिराम घिमिरेले प्रदेश सभा सदस्य निर्वाचनमा ललितपुर क्षेत्र नं.१ को प्रदेश सभा १ बाट उम्मेदवारी दर्ता गराउनु भएको छ ।

लगनखेलबाट सुरु भएको र्यालीमा ललितपुरका तीनवटै क्षेत्र र छवटा प्रदेश सभाका उम्मेद्वार साथ बिहीबार दिउँसो २ बजेतिर जाउलाखेलमा पुगेर उहाँले प्रदेशसभा सदस्य निर्वाचनको लागि उम्मेदवारी दिनु भएको हो ।

आमाको आशीर्वाद लिएर उम्मेदवारी दर्ताका लागि घरबाट निस्कनु भएका घिमिरे दर्ता गर्ने ठाँउ जाउलाखेलसम्म हजारौ समर्थकहरुको र्यालीको साथ पुग्नुभएको थियो । उहाँले महाङ्काल गाँउपालिका वडा नं. ५ चन्दनपुरका अध्यक्ष खोम प्रसाद दाहाल प्रस्तावक तथा कोन्ज्योसोम गाँउपालिका वडा नं. ४ नल्लु का अध्यक्ष तिर्थ लामा समर्थक राखि उम्मेदबारी दर्ता गराउनु भएको हो ।

२०४९र २०५४ को स्थानिय निर्वाचनमा गा.वि.स. अध्यक्षबाट निर्वाचित हुनुभएका समाजसेवि घिमिरेले उम्मेदवारी दर्ता पछि ललितपुरको पर्यटन,कृषि,यातायात लगायत समग्र विकासको लागि उम्मेदबारी दिएको बताउनु भयो । आफु जहिले पनि जनताको घर आँगानमा खेल्ने रमाउने भएको कारण ललितपुर क्षेत्र नं.१ को प्रदेश सभा १ का जनता र समर्थकले आफुलाई रोज्ने विश्वास व्यक्त गर्नुभयो ।

उहाँसँग ललितपुरमा नाम नै नसुने कि वाम गठबन्धन कि उम्मेदवार लाल कुमारी पुन शुशिला सँग प्रतिस्पर्धा हुने भएको छ । सबैका विश्वासिला लोकप्रिय नेता ऋषिराम घिमिरेको जीत सुनिश्चित भएको स्थानीयहरु बताउछन् ।