बागमती प्रदेशकी मुख्यमन्त्री शाक्यले विश्वासको मत लिँदै

काठमाडौं, २४ असोज।बागमती प्रदेशमा पनि एमालेको सरकार लगभग परिवर्तन हुने निश्चित भएको छ । मुख्य मन्त्री शाक्यले विश्वासको मत लिने प्रक्रिया सुरु गर्न प्रदेश सभाको बैठक आज बोलाइएको छ ।

भदौ २ मा मुख्यमन्त्रीमा नियुक्त हुनुभएको शाक्य नेकपा एमाले विभाजनपछि अल्पमतमा पर्नुभएको छ । बागमती प्रदेश सभामा १ सय ९ सदस्य छन् । मुख्यमन्त्री शाक्यले विश्वासको मत जुटाउन ५५ जना सांसद आवश्यक पर्छ । हाल सत्तारूढ नेकपा एमालेसँग ४३ जना सांसदमात्र छन् । उहाँलाई १२ जना अन्य दलका सांसदले समर्थन गरे मात्रै विश्वास पाउने सम्भावना रहन्छ । एमाले बाग्मती प्रदेशका प्रमुख सचेतक दीपक निरौलाले सरकारले विश्वासको मत लिएपछि बाँकी बिषयमा छलफल गर्ने बताउनुभयो । केन्द्रसँगै अब केही प्रदेशमा पनि सरकारको समिकरण फेर्नुपर्ने माग उठ्न थालेको छ ।