वर्ल्ड भिजनका परियोजनाहरु समाप्त

बैशाख १३, सिन्धुपाल्चोक । भुकम्पपछि जिल्लामा आएको वल्र्ड भिजन नेपालले आफ्ना सम्पुर्ण परियोजना समाप्त भएको जानकारी दिएको छ ।

वर्ल्ड भिजनले सदरमुकाम चौतारामा आयोजना गरेको पत्रकार सम्मेलनमा २०७२ को भूकम्पपश्चात साझेदार संस्थाहरु मार्फत कार्यान्वयन गरिएका परियोजनाहरुको सफलतापुर्वक समापन गरेको जानकारी दिएको हो ।

वर्ल्ड भिजन नेपालका परियोजनाहरु चौतारा साँगाचोकगढी नगरपालिकाका ६ वडा, बलेफि गाउँपालिकाका ३ वडा र मेलम्ची नगरपालिकाका ३ वडामा संचालन गरिएको थियो ।

शिक्षा, स्वास्थ्य, बाल संरक्षण, जिविकोपार्जन, खानेपानी, आवास, सरसफाई तथा स्वच्छताका परियोजनाहरुबाट ७३ हजार २ सय ११ घरपरिवार लाभान्वित भएको वल्र्ड भिजनले जानकारी दिएको छ ।

लगभग ९६ करोड खर्च गरेको वर्ल्ड भिजनले जिल्लामा ३२ वटा खानेपानी आयोजना, ३ वटा विद्यालय भवन, ५ वटा महिला, किशोरकिशोरी,युवा र बालमैत्री स्थान निर्माण २५ सय ६० घरायसी शौचालय निर्माण÷पुर्ननिर्माण कार्य सम्पन्न भएको बताएको छ ।

भुकम्पबाट क्षति भएका घरहरुको पुर्ननिर्माणका लागि ३ सय ४ परिवारलाई पहिलो किस्ता, ९७ परिवारलाई दोस्रो किस्ता र ३९ परिवारलाई तेस्रो किस्ताको रकम वितरण भइसकेको जनाएको छ ।