सात वर्षीय बालिका बलात्कृत, पीडक अझै फरार

सिन्धुपाल्चोक,९ बाह्रबिसे नगरपालिका वडा नम्बर -८ मानेश्वारामा सात बर्षीय बालिका बलात्कारको शिकार भएकी छिन् ।

गत जेठ १५ गते सात बर्षीय बालिकालाई अाफ्नै फुपाजुले बलात्कार गरेकाे घटना सार्वजनिक भएको हाे । बाह्रबिसे नगरपालिका वडा नम्बर - ८ का अन्दाजी ४२ वर्षका कमल तिमल्सिनाले दिउँसो घरमा काेही नभएको माैका पारी बालिकालाई बलात्कार गरेका हुन् ।

बालिकालाई चक्लेट दिदै ठुलो अावाजमा क्यासेट बजाएर बालिकाकाे मुख थुनेर बलात्कार गरेकाे स्थानीयले बताएका छन् । घरमा बलात्कार गर्दा बालिकाकाे रगत बगेपछि रगत पुछ्दै निजले बालिकालाई बारीमा लगेर पुन बलात्कार गरेका थिए ।

बारीमा बालिका राेएपछि रगतले लत्पतिएकाे अवस्थामा बालिकाको उद्दार गरिएको स्थानीयले बताए ।

हाल बालिकाको उपचार भईरहेकाे छ भने निज कमल फरार रहेका छन् ।