मार्वल झार्दा सिन्धुपाल्चोकमा एकजना घाइते

सिन्धुपाल्चोक, जिल्ला जनस्वास्थ्य कार्यालय चौताराको भवन निर्माणका लागि काठमाडौंबाट लोड गरेर ल्याइएको मार्बल झार्ने क्रममा मार्वलले लाग्दा चौतारामा एक व्यक्ति घाइते भएका छन्।

अर्घाखाँची जिल्ला मालारानी गाउँपालिका घर भई सिन्धुपाल्चोकमा ज्यालादारी गर्दै आएका २३ वर्षीय सुसिन पुनमगर घाइते भएका हुन्।

गाडीबाट मार्वल खसाल्ने क्रममा मार्वलले लाग्दा उनी घाइते भएको जिल्ला प्रहरी कार्यालय सिन्धुपाल्चोकले जनाएको छ ।

मार्वलले लाग्दा टाउको र छातिमा चोट लागेको र थप उपचारका लागि उनलाई काठमाडौ लगिएको प्रहरीले बतायो।