सत्य, निष्पक्ष र खोजमुलक समाचार
बुधवार, १७ मंसिर २०७७ / Wednesday, 02 December 2020

सालको खपेटा सहित दोलखामा एक जना पक्राउ


प्रकाशित समय: सोमवार, ०६ : ४५ बजे भदौ ११ गते



सालको खपेटा सहित दोलखामा एक जना पक्राउ

प्रभु जिरेल चरिकोट, ११ भाद्र, दोलखा जिल्लामा नयाँ प्रहरी प्रमुख आए संगै गैर कानुनी कार्यमा संलग्नहरु धमाधम पक्राउ पर्न थालेका छन् ।

 

जिल्ला प्रहरी कार्यालय दोलखाबाट खटेको बिषेश टोलीले सोमबार भिमेश्वर नगरपालिका वडा न ७ भुलभुलेबाट एक जनालाई दुर्लभ बन्यजन्तु सालकको सपेटा सहित पक्राउ गरेको छ । भिमेश्वर नगरपालिका वडा न ६ निवासी ५३ बर्षिय होम बहादुर थापालाई पक्राउ गरेको हो ।

 

२७ इन्च लम्वाई ९ इन्च चौडाई भएको करिव ३८० ग्रामको दुर्लभ वन्यजन्तु सालकको खपेटा सहित थापालाई भिनपा ७ बाट पक्राउ गरिएको हो ।

 

आज विहान करिव ९ बजेको समयमा भिनपा ७ भुलभुलेबाट सालकको खपेटा विक्री वितरणको लागि लैजादै गरेको भन्ने सुचनाको आधारमा जिल्ला प्रहरी कार्यालय दोलखाबाट खटेको टोलीले थापालाई पक्राउ गरेको प्रहरी प्रमुख प्रहरी नायव उपरिक्षक बासुदेव पाठकले जानकारी दिनुभयो ।

 

आफ्नै घर अगाडी सालक आएको र लठ्ठीले हानेर सालको शिकार गरेको थापाले बताएका छन् । थापालाई थप अनुसन्धान गरि डिभिजन वन कार्यालयमा बुझाइने प्रहरीले जनाएको छ ।

 

प्रहरीले केही दिन अघि मात्र दोलखाको मैनापोखरीबाट ३ जनालाई चितुवाको छाला सहित पक्राउ गरेको थियो ।