द्यौसी भैलो खेलेर अक्षयकोष

काभ्रे - नेपाली संस्कृतिको संरक्षण तथा विपन्न वर्गका विद्यार्थीहको सहयोगका लागि विद्यार्थीहरु नै सक्रिय बनेका छन् । पनौतीको सामुदायिक माध्यमिक विद्यालयमा कक्षा ९र १०मा पढने विद्यार्थीहरुले तिहारको अवसरमा द्यौसी भैलो मात्र खेलेनन् उनीहरुले संकलित रकमबाट अक्षय कोषको समेत स्थापना गरेका छन् ।

कार्तिक २१ र २२ गते २ दिन सम्म उनीहरुले द्यौसी भैलो कार्यक्रम संचालन गरेका थियो । विद्यालयको सेवा क्षेत्र भित्रका विभिन्न टोलमा द्यौसी भैलो कार्यक्रम संचालन गरिएको थियो ।

विद्यार्थीहरुले आयोजना गरेको कार्यक्रममा विद्यालयका शिक्षकहरु, अभिभावक लगायतले सहयोग गरेका थिए । द्यौसी भैलो बाट नगद १ लाख ४० हजार संकलन भएको विद्यालयका शिक्षक तथा कार्यक्रम संयोजक प्रविण दाहालले जानकारी दिए ।

उक्त रकमबाट अक्षय कोष स्थापना गरी विद्यालयमा पढने गरिब, अनाथ तथा जेहेन्दार विद्यार्थीहरुको पढाइमा सहयोग पुग्ने गरि छात्रा बृत्ति लगायतको सहयोग गरिने उनले जानकारी दिए ।