रविले कटाए ५० हजार मत, जित सुनिश्चित

काठमाडौं । राष्ट्रिय स्वतन्त्र पार्टीका उम्मेदवार रवि लामिछानेले ५० हजार मत कटाएका छन् । चितवन २ को मतगणना अन्तिम चरणमा पुग्दा लामिछानेले ५० हजार ७९ मत पाएका छन् ।
उनलाई नेपाली कांग्रेसका उम्मेदवार जितनारायण श्रेष्ठले पछ्याइरहेका छन् । श्रेष्ठले ९ हजार १६५ मत पाउँदा तेस्रो नम्बर रहेका एमालेका उम्मेदवार रामप्रसाद न्यौपानेले ८८७७ मत पाएका हुन् ।

मंसिर ४ गतेको निर्वाचनमा ३५ हजार मतान्तरले लामिछाने विजयी भएका थिए । तर दोहोरो नागरिकताका सर्वोच्च अदालतको फैसलापछि रविको सम्पूर्ण सार्वजनिक पद गुमेको थियो । मंसिर ४ गतेको निर्वाचनमा कांग्रेस र एमालेले १४ हजार मत पाएका थिए । यसपटक उनीहरुले आफ्नो विगतको मत पनि जोगाउन सकेनन् ।